ന്യൂഡൽഹി : കർഷക സംഘടനകളുടെ 'ഡൽഹി ചലോ' മാർച്ചിനെ തുടർന്ന് ഹരിയാന സർക്കാർ ശനിയാഴ്‌ച മൊബൈൽ ഇൻ്റർനെറ്റ്, എസ്എംഎസ് സേവനങ്ങൾക്കുള്ള നിരോധനം ഫെബ്രുവരി 19 വരെ നീട്ടി (Delhi Chalo farmers protest internet Suspended in Haryana). ഏഴ് ജില്ലകളിലാണ് നിരോധനം. നേരത്തെ ഫെബ്രുവരി 13 മുതൽ ഫെബ്രുവരി 15 വരെയായിരുന്നു മൊബൈൽ ഇൻ്റർനെറ്റ് സേവനങ്ങൾ സർക്കാർ താത്‌കാലികമായി നിർത്തിവച്ചിരുന്നത് (Haryana Extends Mobile Internet Suspension In 7 Districts Till Feb 19).
ഹരിയാന ഭരണകൂടം പുറപ്പെടുവിച്ച വിജ്ഞാപനമനുസരിച്ച് അംബാല, കുരുക്ഷേത്ര, കൈതാൽ, ജിന്ദ്, ഹിസാർ, ഫത്തേഹാബാദ്, സിർസ എന്നീ ജില്ലകളുടെ അധികാരപരിധിയിൽ വോയ്‌സ് കോളുകൾ ഒഴികെ മൊബൈൽ നെറ്റ്‌വർക്കുകളിൽ നൽകുന്ന എല്ലാ സേവനങ്ങളും താത്‌കാലികമായി നിർത്തിവയ്ക്കും.
വിളകൾക്ക് മിനിമം താങ്ങുവില നിയമപരമായി അംഗീകരിക്കണമെന്നും വിലനിർണയ സംവിധാനം ഉൾപ്പെടെ സ്വാമിനാഥൻ കമ്മിറ്റി റിപ്പോർട്ട് നടപ്പാക്കണമെന്നും ആവശ്യപ്പെട്ട് കർഷകർ നടത്തുന്ന പ്രക്ഷോഭങ്ങൾക്കിടയിൽ എല്ലാ വിളകൾക്കും താങ്ങുവില (MSP) നൽകുന്നത് പ്രായോഗികമല്ലെന്ന് പ്രമുഖ കാർഷിക സാമ്പത്തിക വിദഗ്‌ധൻ ഡോ.സർദാര സിങ് ജോൽ പറഞ്ഞു. കർഷകർ തങ്ങളുടെ ആവശ്യങ്ങൾക്കായി ചർച്ചയുടെ പാത സ്വീകരിക്കണമെന്നും അവരെ ഡൽഹിയിലേക്ക് പോകാൻ അനുവദിക്കണമെന്നും പഞ്ചാബ് അഗ്രികൾച്ചറൽ യൂണിവേഴ്‌സിറ്റി മുൻ വൈസ് ചാൻസലർ ഡോ.ജോൽ പറഞ്ഞു. കർഷകരുടെ പ്രശ്‌നങ്ങൾ പരിഹരിക്കുന്നതിനുള്ള ചർച്ചകൾക്ക് അദ്ദേഹം ഊന്നൽ നൽകുകയും പഞ്ചാബിന്‍റെ ഹരിയാന അതിർത്തിയിലെ സ്ഥിതിഗതികളിൽ അദ്ദേഹം ഉത്കണ്‌ഠ രേഖപ്പെടുത്തുകയും ചെയ്‌തു.
എംഎസ്‌പി മാർക്കറ്റ് നിരക്കിനേക്കാൾ കൂടുതലാണെങ്കിൽ മാത്രമേ കർഷകർക്ക് പ്രയോജനകരമാകൂ എന്നും ചെറുകിട കർഷകർക്ക് പ്രയോജനപ്പെടേണ്ടതിൻ്റെ ആവശ്യകത ഊന്നിപ്പറയുകയും ചെയ്‌തു. കർഷകർക്ക് പ്രധാനമായും ഗോതമ്പിനും നെല്ലിനും എംഎസ്‌പി ലഭിക്കുന്നുണ്ടെന്നും സർക്കാർ പല വിളകളും വാങ്ങുന്നില്ലെന്നും അദ്ദേഹം അഭിപ്രായപ്പെട്ടു.
23 വിളകൾക്കും എംഎസ്‌പി നൽകാൻ സർക്കാരിന് കഴിയില്ലെന്നും സർക്കാർ പണം ലാഭിച്ച് എല്ലാ വിളകളും വാങ്ങിയാലും അത് നടപ്പിലാക്കാൻ കഴിയില്ലെന്നും ഡോ. ജോൽ കൂട്ടിച്ചേർത്തു. ലോകത്തെ അറുപതോളം രാജ്യങ്ങൾ കർഷകർക്ക് നേരിട്ട് സബ്‌സിഡി നൽകുന്നുണ്ടെന്ന് അദ്ദേഹം വ്യക്തമാക്കി. 2021-22 ൽ അമേരിക്ക കർഷകർക്ക് 42 ബില്യൺ ഡോളറിലധികം നൽകിയിട്ടുണ്ടെന്നും ചൈനയും ജപ്പാനും തങ്ങളുടെ കർഷകർക്ക് സബ്‌സിഡി നൽകുന്നുണ്ടെന്നും വികസിത സമ്പദ്‌വ്യവസ്ഥകളുടെ ഉദാഹരണങ്ങൾ ഉദ്ധരിച്ചു കൊണ്ട് അദ്ദേഹം പറഞ്ഞു.
ഒരു കർഷകന് ബിസിനസ് ഇല്ലാതാകരുത് എന്നതാണ് എംഎസ്‌പിയുടെ ഉദ്ദേശ്യമെന്ന് സ്വാമിനാഥൻ കമ്മിറ്റി റിപ്പോർട്ടിനെക്കുറിച്ച് പറയുകയും കൃഷിയുമായി ബന്ധപ്പെട്ട 'ഡി-സെൻട്രലൈസേഷൻ' എന്ന ചോദ്യത്തിന് വൈദ്യുതിയും വെള്ളവും സൗജന്യമായി സൂക്ഷിക്കുന്നിടത്തോളം അത് അസാധ്യമാണെന്നും അദ്ദേഹം വ്യക്തമാക്കി.
