ന്യൂഡൽഹി : തലസ്ഥാന നഗരിയിൽ വായു മലിനീകരണം രൂക്ഷം. നഗരത്തിന്‍റെ വായു ഗുണനിലവാരം വളരെ മോശം വിഭാഗത്തിലേക്ക് താഴ്‌ന്നതിനാൽ ഇന്ന് (ഒക്‌ടോബർ 23) രാവിലെ ഡൽഹിയെ കനത്ത പുകമഞ്ഞ് പൊതിഞ്ഞു. തലസ്ഥാനത്തെ എയർ ക്വാളിറ്റി ഇൻഡക്‌സ് (എക്യുഐ) 363 രേഖപ്പെടുത്തി.
വായു മലിനീകരണത്തിന്‍റെ തോത് എത്രമാത്രം ഉയർന്നിട്ടുണ്ടെന്ന് കണക്കാക്കുന്ന സൂചികയാണ് എയർ ക്വാളിറ്റി ഇൻഡക്‌സ്. ജഹാംഗീർപുരി മോണിറ്ററിങ് സ്‌റ്റേഷനിൽ എയർ ക്വാളിറ്റി ഇൻഡക്‌സ് 418, വിവേക് വിഹാറിൽ 407, ആനന്ദ് വിഹാറിൽ 402 എന്നിങ്ങനെ രേഖപ്പെടുത്തി. അതേസമയം സെൻട്രൽ പൊല്യൂഷൻ കൺട്രോൾ ബോർഡിന്‍റെ (സിപിസിബി) കണക്കനുസരിച്ച് കൂടുതൽ പ്രദേശങ്ങളിൽ ഇന്ന് റെഡ് അലർട്ട് പ്രഖ്യാപിച്ചു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
നിലവിൽ, മലിനീകരണ വിരുദ്ധ നടപടിയായ ഗ്രേഡഡ് റെസ്‌പോൺസ് ആക്ഷൻ പ്ലാനിന്‍റെ (GRAP) രണ്ടാം ഘട്ടത്തിലാണ് നഗരം. നിരവധി നിയന്ത്രണങ്ങളാണ് ഡൽഹിയിൽ ഇപ്പോൾ നിലവിലുള്ളത്. മാത്രമല്ല മലിനീകരണ തോത് വർധിച്ചാൽ സ്‌കൂളുകൾ അടച്ചുപൂട്ടൽ പോലുള്ള കൂടുതൽ നടപടികൾ നടപ്പിലാക്കിയേക്കാം.
അതേസമയം, ബുധനാഴ്‌ച രേഖപ്പെടുത്തിയ കുറഞ്ഞ താപനില 20.5 ഡിഗ്രി സെൽഷ്യസാണ്. രാവിലെ എട്ട് മണിയോടെ ഇത് 83 ശതമാനമായി ഉയർന്നു. ഇന്ന് പരാമാവധി താപനില 34 ഡിഗ്രി സെൽഷ്യസിലേക്ക് ഉയരുമെന്ന് പ്രതീക്ഷിക്കുന്നതായി കാലാവസ്ഥാ നിരീക്ഷണ കേന്ദ്രം അറിയിച്ചു.
Also Read: യമുന നദിയില്‍ നുരഞ്ഞുപൊന്തി വിഷപ്പത; ഡൽഹിയില്‍ വായു മലിനീകരണം രൂക്ഷം
