ഹൈദരാബാദ്: പ്രതിപക്ഷ നേതാവ് രാഹുല്‍ ഗാന്ധിയുടെ ലോക്‌സഭയിലെ താമര പരാമര്‍ശത്തില്‍ വിമര്‍ശനവുമായി ബിജെപി വക്താവ് സി ആര്‍ കേശവന്‍ രംഗത്ത്. രാഹുല്‍ രാജ്യത്തെ മുഴുവന്‍ അപമാനിച്ചെന്ന് അദ്ദേഹം ആരോപിച്ചു. രാഹുല്‍ രാജ്യത്തോട് മാപ്പ് പറയണമെന്നും കേശവന്‍ ആവശ്യപ്പെട്ടു.
രാജ്യത്തിന്‍റെ സംസ്‌കാരത്തെയും പ്രദേശങ്ങളെയും അപമാനിക്കുന്നതാണ് രാഹുലിന്‍റെ പ്രസ്‌താവനകളെന്നും കേശവന്‍ ചൂണ്ടിക്കാട്ടി. ഭഗവത് ഗീതയില്‍ ഭഗവാന്‍ ശ്രികൃഷ്‌ണന്‍ കര്‍മ്മത്തെയും ധര്‍മ്മത്തെയും കുറിച്ച് പറയുന്നു. പറിച്ചെടുത്ത താമരയെക്കുറിച്ചും പറയുന്നുണ്ട്. ഹിന്ദുമതത്തില്‍ മാത്രമല്ല ബുദ്ധമതത്തിലും ബുദ്ധ സാഹിത്യങ്ങളിലുമെല്ലാം താമരയെ ഭഗവാനുമായി താരതമ്യപ്പെടുത്തുന്നുണ്ട്.
ജൈനമതത്തിലും ക്രിസ്‌തുമതത്തിലുമെല്ലാം താമരയെ ഒരു പ്രതീകമായി എടുത്ത് കാട്ടുന്നു. ഇന്ത്യയുടെ സംസ്‌കാരം എടുത്ത് നോക്കിയാല്‍ സരസ്വതി ദേവി, പത്മനാഭ സ്വാമി, വിഷ്‌ണുഭഗവാന്‍, ബ്രഹ്മാവ്, ലക്ഷ്മി ദേവി എല്ലാവരും താമരയുമായി ബന്ധപ്പെട്ടിരിക്കുന്നു. ചക്രായുതമാണ് രാജ്യത്തെ വികസനമില്ലായ്‌മയ്ക്ക് കാരണമെന്ന രാഹുലിന്‍റെ ആരോപണത്തെയും അദ്ദേഹം വിമര്‍ശിച്ചു. പതിറ്റാണ്ടുകളായി രാജ്യത്തെ ബാധിച്ചിരുന്ന കോണ്‍ഗ്രസിന്‍റെ ചക്രായുതിനെ പ്രധാനമന്ത്രി ജനങ്ങളുടെ ആശിര്‍വാദത്തോടെ പരാജയപ്പെടുത്തിയെന്നും കേശവന്‍ അവകാശപ്പെട്ടു.
പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ നടക്കുന്ന വികസന പ്രവര്‍ത്തനങ്ങളെയും അദ്ദേഹം എടുത്ത് കാട്ടി. വികസനത്തിന്‍റെയും ഉയര്‍ച്ചയുടെയും രാഷ്‌ട്രീയത്തോടെ മോദി 140 കോടി ജനങ്ങള്‍ക്ക് സുരക്ഷാകവചം സൃഷ്‌ടിച്ചിരിക്കുന്നു. വികസിത ഭാരതത്തിലേക്കുള്ള യാത്രയിലാണ് നാം.
രാഹുലിന്‍റെ പരാമര്‍ശങ്ങള്‍ അറിവില്ലായ്‌മ കൊണ്ടാണ്. നമ്മുടെ രാജ്യത്തിന്‍റെ ചരിത്രത്തിലും ആത്മിയതയിലും വലിയ പങ്കുള്ള പുഷ്‌പമാണ് താമര. പദ്‌മ പുരസ്‌കാരങ്ങളും സൈനിക പദവികളുമെല്ലാം ഈ പുഷ്‌പത്തിന്‍റെ പ്രാധാന്യമാണ് ചൂണ്ടിക്കാട്ടുന്നത്.
പദ്‌മശ്രീ, പദ്‌മഭൂഷണ്‍, പദ്‌മവിഭൂഷണ്‍ തുടങ്ങിയ പുരസ്‌കാരങ്ങള്‍ താമരയുമായി ബന്ധപ്പെട്ടിരിക്കുന്നു. ഒരാള്‍ക്ക് എത്തിച്ചേരാനാകുന്ന കരസേനയിലെ ഏറ്റവും ഉയര്‍ന്ന പദവിയായ ഫീല്‍ഡ് മാര്‍ഷലിനും താമരയുമായി ബന്ധമുണ്ട്.
നമ്മുടെ ദേശീയ ചിഹ്നം മണിയുെട ആകൃതിയുള്ള താമരയുടെ മുകളിലാണ്. മഹാരാഷ്‌ട്രയുടെയും സിക്കിമിന്‍റെയും സംസ്ഥാന ചിഹ്നം താമരയാണ്. 1857ലെ ഒന്നാം സ്വാതന്ത്രസമരത്തിന്‍റെ പ്രതീകം പോലും ഭക്ഷണത്തിന് മുകളിലുള്ള താമരയാണ്.
രാഹുലിന് ബിജെപിയോട് വിദ്വേഷമുണ്ട്. പ്രത്യേകിച്ച് മോദിയോട്. അതിന് പക്ഷേ രാജ്യത്തെ ആക്രമിക്കേണ്ടതില്ല. കൂടുതല്‍ കൂടുതല്‍ താമരകള്‍ വിരിയട്ടെയെന്നും കൂടുതല്‍ കൂടുതല്‍ ആക്രമിക്കപ്പെടട്ടെയെന്നും അദ്ദേഹം പറഞ്ഞു. കേന്ദ്രബജറ്റിനെതിരെ ബിജെപിയെ ആഞ്ഞടിക്കുമ്പോഴായിരുന്നു രാഹുലിന്‍റെ പരാമര്‍ശങ്ങള്‍. രാജ്യം താമരയുടെ ചക്രവ്യൂഹത്തില്‍ പെട്ടിരിക്കുന്നുവെന്നായിരുന്നു ബിജെപിയുടെ ചിഹ്നത്തെ പരാമര്‍ശിച്ച് രാഹുല്‍ പറഞ്ഞത്.
Also Read: വയനാട് ഉരുൾപൊട്ടൽ: രാഹുലും പ്രിയങ്കയും സ്ഥലം സന്ദർശിച്ചേക്കും, സൂചന നല്‍കി കെസി വേണുഗോപാല്‍
