ഹൈദരാബാദ്: 2047 ഓടെ 'സ്വർണാന്ധ്ര' യാഥാര്‍ഥ്യമാകുമെന്ന് ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു. രാജ്യത്തെ ഏറ്റവും മികച്ച സംസ്ഥാനമായി ആന്ധ്രാപ്രദേശ് മാറും എന്നും മുഖ്യമന്ത്രി പറഞ്ഞു. കുറച്ച് വര്‍ഷങ്ങള്‍ക്ക് മുന്‍പ് എല്ലാവരും സൈബരാബാദില്‍ കല്ലും മലകളും കണ്ടപ്പോള്‍ ഞാന്‍ സിംഗപ്പൂരും ദുബായും ന്യൂയോർക്കും പോലുളള മെഗാസിറ്റിയാണ് കണ്ടെതെന്നും അദ്ദേഹം വ്യക്തമാക്കി. വിജയവാഡയിൽ നടന്ന യോഗത്തിൽ 'സ്വർണാന്ധ്ര 2047' വിഷൻ ഡോക്യുമെൻ്റ് പ്രദര്‍ശിപ്പിച്ച് സംസാരിക്കുകയായിരുന്നു ചന്ദ്രബാബു നായിഡു.
'1999 ജനുവരി 26നാണ് ഞാന്‍ ഈ പദ്ധതി ആരംഭിക്കുന്നത്. ഇന്ന് ഹൈദരാബാദ് രാജ്യത്തെ ഏറ്റവും നല്ല സിറ്റിയായി മാറി. എഴുതി വച്ചോളു 'സ്വർണാന്ധ്ര'യും യാഥാര്‍ഥ്യമാകും. 2047ല്‍ ഞാന്‍ പറഞ്ഞത് യാഥാര്‍ഥ്യമായോ ഇല്ലയോ എന്ന് നിങ്ങള്‍ പരിശോധിച്ച് നോക്കു,' എന്നും മുഖ്യമന്ത്രി പറഞ്ഞു.
വികസനം സാധ്യമാകണമെങ്കില്‍ സ്ഥിരതയുളള സര്‍ക്കാര്‍ വേണമെന്നും ചന്ദ്രബാബു നായിഡു വ്യക്തമാക്കി. ആളുകളാണ് ഞങ്ങള്‍ക്ക് പ്രധാനം. ഒരിക്കല്‍ അത് സിലിക്കൺ വാലിയായിരുന്നു. ഇനി മുതൽ അതിനെ ആന്ധ്രാ വാലി എന്ന് വിളിക്കും. ഇച്ഛാപുരം മുതൽ മന്ത്രാലയം വരെയുള്ള എല്ലാ പ്രദേശങ്ങളും ഞങ്ങൾ വികസിപ്പിക്കും എന്നും അദ്ദേഹം വിശദീകരിച്ചു.
"സ്വർണാന്ധ്ര യാഥാര്‍ഥ്യമാകുന്നതിന് സഹായിക്കുന്ന 10 തത്വങ്ങളും അദ്ദേഹം പ്രഖ്യാപിച്ചു. ഈ തലമുറയുടെ വിധിയും വരും തലമുറയുടെ ഭാവിയും മാറ്റാന്‍ കഴിയുന്നതാണ് ഈ ഡോക്യുമെന്‍റ്" എന്നും ചന്ദ്രബാബു നായിഡു വ്യക്തമാക്കി.
എല്ലാവരുടെയും ആരോഗ്യം, സമ്പത്ത്, സന്തോഷം എന്നിവയാണ് സ്വർണാന്ധ്രയുടെ ലക്ഷ്യം. ഈ പദ്ധതിയുടെ ആവിഷ്‌കാരത്തിനായി പ്രത്യേക സംവിധാനം തന്നെ എല്ലാ ജില്ലാ കലക്‌ട്രേറ്റിലും ഒരുക്കിയിട്ടുണ്ടെന്നും അദ്ദേഹം പറഞ്ഞു. 17 ലക്ഷ്യം ആളുകളുടെ അഭിപ്രായങ്ങളുടെയും നിര്‍ദേശങ്ങളുടെയും അടിസ്ഥാനത്തിലാണ് ഡോക്യുമെന്‍റിന്‍റ് തയ്യാറാക്കിയത്. 1.18 കോടി കുടുംബങ്ങളുടെ പ്രതികരണങ്ങളും തോടിയിരുന്നു എന്നും അദ്ദേഹം വ്യക്തമാക്കി.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
2047 ഓടെ 'ഞാൻ, എൻ്റെ കുടുംബം, ഗ്രാമം, മണ്ഡലം, ജില്ല എന്നിവ' എവിടെയായിരിക്കണമെന്ന് ഞാൻ പദ്ധതി തയ്യാറാക്കും. ആളോഹരി വരുമാനം 42,000 ഡോളറിൽ എത്തിയാൽ ഒരു കുടുംബം എങ്ങനെയായിരിക്കുമെന്ന് കർമപദ്ധതി ആവിഷ്‌കരിക്കണമെന്നും ചന്ദ്രബാബു നായിഡു പറഞ്ഞു.
Also Read: ആന്ധ്രയിൽ സംസ്ഥാന വഖഫ് ബോർഡ് പിരിച്ചുവിട്ട് ചന്ദ്രബാബു സർക്കാർ
