ഹൈദരാബാദ്: ഓപ്പോയുടെ പുതിയ സ്‌മാർട്‌ഫോൺ ഓപ്പോ A3x 4G ഇന്ത്യൻ വിപണിയിൽ അവതരിപ്പിച്ചു. ഈ വർഷം ഓഗസ്റ്റിൽ ഓപ്പോ A3x 5G പുറത്തിറക്കിയിരുന്നു. ഇതിന്‍റെ 4G പതിപ്പാണ് ഇപ്പോൾ പുറത്തിറക്കിയിരിക്കുന്നത്. 6.67 ഇഞ്ച് HD+ ഡിസ്‌പ്ലേയുമായി എത്തുന്ന ഫോണിന് ഐഫോണിന് സമാനമായ ഡിസൈനാണ് നൽകിയിരിക്കുന്നത്. 10,000 രൂപയിൽ താഴെയാണ് ഓപ്പോ A3x 4Gയുടെ വില.
ഇ-കോമ്പസ്, പ്രോക്‌സിമിറ്റി സെൻസർ, ആക്‌സിലറോമീറ്റർ, ആംബിയൻ്റ് ലൈറ്റ് സെൻസർ എന്നീ ഫീച്ചറുകളോടെയാണ് അവതരിപ്പിച്ചിരിക്കുന്നത്. യോമെട്രിക് ഓതൻ്റിക്കേഷനായി ഫിംഗർപ്രിൻ്റ് സ്‌കാനറും നൽകിയിട്ടുണ്ട്. നെബുല റെഡ്, ഓഷ്യൻ ബ്ലൂ എന്നീ രണ്ട് കളർ ഓപ്‌ഷനുകളിലാണ് ഈ സ്മാർട്ട്ഫോൺ ലഭ്യമാകുക. ഓപ്പോ തന്നെ പുറത്തിറക്കിയ ആൻഡ്രോയിഡ് 14 ഓപ്പറേറ്റിങ് സിസ്റ്റത്തെ അടിസ്ഥാനമാക്കിയുള്ള കളർ ഒഎസ് 14 ആണ് ഓപ്പോ A3x 4Gയിൽ നൽകിയിരിക്കുന്നത്. കൂടുതൽ ഫീച്ചറുകൾ പരിശോധിക്കാം.
സവിശേഷതകൾ:
- ഡിസ്‌പ്ലേ: 6.67 ഇഞ്ച് HD+ ഡിസ്‌പ്ലേ, 90Hz റിഫ്രഷ് റേറ്റ്
- 1000 nits ബ്രൈറ്റ്‌നെസ്
- പാണ്ട ഗ്ലാസ് ഡിസ്‌പ്ലേ പ്രൊട്ടക്ഷൻ
- ഭാരം: 187 ഗ്രാം
- പ്രോസസർ: 8 കോർ ക്വാൽകോം സ്‌നാപ്‌ഡ്രാഗൺ 6s 4G Gen1
- സ്റ്റോറേജ്: 4GB LPDDR4X റാം, 64GB / 128GB സ്റ്റോറേജ് വേരിയന്‍റുകൾ
- ഓപ്പറേറ്റിങ് സിസ്റ്റം: കളർ ഒഎസ് 14
- ക്യാമറ: 8 എംപി ഡുവൽ ക്യാമറ, 5 എംപി ഫ്രണ്ട് ക്യാമറ
- വെള്ളത്തിൽ നിന്നും പൊടിയിൽ നിന്നും സംരക്ഷിക്കുന്നതിനുള്ള IP54 റേറ്റിങ്
- ബാറ്ററി: 5000mAh ബാറ്ററി, 45W സൂപ്പർഫാസ്റ്റ് ചാർജിങ്
ഓപ്പോ A3x 4G യുടെ ഇന്ത്യയിലെ വില:
- 4GB + 64GB സ്റ്റോറേജ് വേരിയന്‍റിന് 8,999 രൂപ
- 4GB + 128GB മോഡലിന് 9,999 രൂപ
Introducing the #OPPOA3x 4GB+128GB for just ₹9,999! With Snapdragon 6s 4G Gen 1, military-grade shock resistance, spill protection, 1000nit display, and 5100mAh battery with 45W Flash Charge—ready to handle it all.#AStepAhead
— OPPO India (@OPPOIndia) October 25, 2024
Buy Now: https://t.co/EATveq8Zcj pic.twitter.com/50y9j0AW9P
എവിടെ നിന്ന് വാങ്ങണം?
ഓപ്പോ ഇന്ത്യയുടെ ഓൺലൈൻ സ്റ്റോറിൽ ഓപ്പോ A3x 4G സ്മാർട്ട്ഫോൺ ലഭ്യമാകും. കൂടാതെ റീട്ടെയിൽ സ്റ്റോറുകളിൽ നിന്നും ഓൺലൈൻ ഷോപ്പിങ് പ്ലാറ്റ്‌ഫോമുകളിൽ നിന്നും വാങ്ങാൻ സാധിക്കും.
Also Read: പുത്തൻ ലുക്കിൽ പുതിയ മാരുതി ഡിസയർ വരുന്നു: ഡിസൈനും ഫീച്ചറുകളും
