VIDEO रक्षाबंधनासाठी जाताना अंगावर चिखल उडाला, संतप्त शिक्षकाने साचलेल्या पाण्यात शर्ट धुवून केले आंदोलन

रत्नागिरी - मुंबई गोवा राष्ट्रीय महामार्गावर ठिकठिकाणी मोठ्या प्रमाणात खड्डे पडले आहेत. चिपळूण शहर हद्दीतही खड्ड्यांचे प्रमाण अधिक आहे. अशातच गुरुवारी रक्षाबंधनासाठी एक नागरिक शहरातील बहाद्दूरशेख नाका येथून जात असताना त्याच्या अंगावर चिखल उडाला. त्यामुळे संतप्त झालेल्या या नागरिकाने राष्ट्रीय महामार्ग विभागाच्या निषेधार्थ चक्क रस्त्यावरील खड्ड्यात साबण लावून शर्ट धुतला. सतीश कदम असे त्यांचे नाव असून ते सती येथील रहिवाशी असून ते शिक्षक आहेत. सध्या हा व्हिडीओ सोशल मीडियावर व्हायरल होत आहे.