कोरोना, महापूर यावर मात करत प्रमोद चौगुलेंनी एमपीएससीत मारली बाजी, विद्यार्थ्यांना दिल्या 'या' टीप्स

सांगली - महाराष्ट्र राज्य लोकसेवा आयोग परीक्षेत सांगलीचा सुपुत्र ( MPSC topper Pramod Chowgule on mpsc journey ) चमकला आहे. सोनी गावचे प्रमोद चौगुले यांनी राज्यात पहिला येण्याचा बहुमान मिळवला आहे. सर्व स्तरातून प्रमोद चौगुले यांच्यावर कौतुकांचा वर्षाव होत आहे. मात्र, त्यांचा हा प्रवास खडतर राहिला. पहिल्यांदा केंद्रीय लोकसेवा आयोग परीक्षेत अपयश. कधी अभ्यासादरम्यान कुटुंबावर आलेले कोरोना आणि महापुराचे संकट. अशा परिस्थितीवर मात करत प्रमोद चौगुले यांनी घवघवीत यश संपादन करत आई-वडिलांचे स्वप्न अखेर पूर्ण केले आहे. एमपीएससी परीक्षेत राज्यात पहिला नंबर मिळवणाऱ्या प्रमोद चौगुले यांच्याशी 'ईटीव्ही भारत'च्या प्रतिनिधीने खास बातचित केली.