Beer Truck Overturned : बीअरने भरलेला ट्रक उलटला; लोकांनी मारला डल्ला, पाहा व्हिडिओ

हाथरस (उत्तर प्रदेश) - हाथरसमधील चांदपा कोतवाली परिसरातील NH-93 गाव सांतिग्रा मोर येथे शुक्रवारी अज्ञात वाहनाच्या धडकेने बिअरने भरलेला ट्रक खड्ड्यात उलटला ( Beer filled truck overturned ) आहे. या अपघातात चालकाचा मृत्यू झाला. काही बिअरच्या बाटल्या चोरीला गेल्याचे ऑपरेटर सांगतात. अलिगड जिल्ह्यातील साधू आश्रमाच्या कारखान्यातून एक ट्रक बिअर घेऊन आग्र्याकडे निघाला होता. त्यात सुमारे 35 लाख रुपये किमतीची बिअर भरली होती. हा ट्रक चांदपा पोलीस स्टेशन हद्दीतील सांतिक्रा गावाजवळ आला असता अज्ञात वाहनाने ट्रकला धडक दिली. अपघातानंतर बिअरने भरलेला ट्रक रस्त्याच्या कडेला असलेल्या खड्ड्यात पलटी झाला. बिअरची कार्टून सगळीकडे पसरलेली होती. पोलिसांनी घटनास्थळ गाठून जखमी चालक महिपालला जिल्हा रुग्णालयात नेले. मात्र डॉक्टरांनी त्यांना मृत घोषित केले. पोलिसांनी मृतदेह पोस्टमॉर्टमसाठी पाठवला आहे. सुदैवाने बिअरने भरलेला ट्रक अंधारात उलटला, दिवसा उजेड पडला असता तर आणखी बिअरची चोरी झाली असती. ट्रकला धडक देणाऱ्या डंपरची ओळख पटविण्याचा प्रयत्न पोलिस करत आहेत.