धम्म सोसायटीमध्ये भीषण आग, २५ मोटारसायकल जळून खाक

कुर्ला पूर्व भागातील रेल्वे स्टेशन जवळील एका इमारतीत आज पहाटे 4 वाजेच्या सुमारास सुमारे 25 ते 30 दुचाकींना आग लागल्याची घटना घडली आहे. ही आग इतकी भीषण होती की त्याच्या झळा इमारतीच्या 8 व्या मजल्यावर पोहचल्या होत्या. या आगीत कोणतीही जीवित हानी झाली नाही. आगीची माहिती अग्निशमन दलाला मिळल्यावत 8 अग्निशमन दलाच्या गाड्यांच्या मदतीने ही आग आटोक्यात आणण्यात आली आहे. दरम्यान, ही आग लावण्यात आली अशी शंका येथील इमारतीतील लोकांनी व्यक्त केली आहे. या पार्श्वभूमीवर घटनेचा तपास स्थानिक पोलीस आणि अग्निशमन दल करत आहे.