पुणे : शहरात गेल्या काही दिवसांपासून विविध गुन्ह्यात वाढ होताना पाहायला मिळत आहे. कोयता गँग, टोळ्या, महिलांच्या सुरक्षितेवर प्रश्न, या वाढत्या गुन्हेगारी घटनांच्या प्रश्नाला उत्तर देताना, अजित पवार यांनी पुणे पोलिसांच्या कामावर जाहीरपणे नाराजी व्यक्त केलीय. वरिष्ठ पोलिसांना जर जमत नसेल तर त्यांनी स्पष्ट सांगावं आम्ही त्यांच्या जागी दुसरे अधिकारी आणू असं यावेळी अजित पवार म्हणाले.
काय म्हणाले उपमुख्यमंत्री? : यावेळी अजित पवार म्हणाले की, "यासंदर्भात मी पुणे पोलीस आयुक्ताशी चर्चा करणार आहे. ज्यांच्या मुदती संपल्या आहेत त्यांच्या जागी पुण्याच्या विकासासाठी काही नवीन अधिकारी नेमण्यात यावे. शहरातील गुन्हेगारीबाबत मुख्यमंत्री यांनी ही बाब गांभीर्याने घेतली आहे. राजकीय हस्तक्षेप नसला तर पोलिसांना काम करायला अवघड जात नाही. पुण्यात कुणाचाही राजकीय हस्तक्षेप आम्ही होऊ देत नाही. एवढी मुभा असताना देखील जिल्ह्यात तसेच राज्यात कायदा आणि सुवस्थेचा प्रश्न जर निर्माण होत असेल तर याला कुठेतरी वरिष्ठ पोलीस अधिकारी कमी पडत आहे. यात जर वरिष्ठ पोलिसांना जमत नसेल तर त्यांनी स्पष्ठ सांगावं की हे आमच्या आवाक्याच्या बाहेर आहे. आम्ही इतर दुसरे चांगले अधिकारी आणून या सगळ्यांना चाप बसवण्याचा काम आणि गुन्हेगारीला आळा बसवण्याचा काम करू".
जनतेच्या विश्वासाला तडा जावू देणार नाही : जनतेला जे काही कौल द्यायचा होत ते दिला आहे. आता जबाबदारी ही आमची असून जनतेच्या विश्वासाला तडा कुठेही जाता कामा नये आणि ही जबाबदारी आम्ही घेणार आहे. लवकरच याबाबत बैठक घेऊन अधिकाऱ्यांना याबाबत सूचना देखील करण्यात येणार असल्याचं यावेळी अजित पवार म्हणाले.
हेही वाचा -
- महाराष्ट्रात पुन्हा फोडाफोडी ? : शरद पवारांच्या खासदारांना फोडण्याचा प्रयत्न, आरोप प्रत्यारोपावरुन रंगलं राजकारण
- निवडणुकीपूर्वी मतदार राजा, विजयानंतर लोकप्रतिनिधी राजा? अजित पवार यांच्या बदलत्या भूमिकेवर मतदार नाराज
- भाजपा लोकशाहीच्या मुळावर उठलेला पक्ष; अरविंद केजरीवालांना देशद्रोही ठरवण्याचा काँग्रेसचा प्रयत्न चुकीचा, संजय राऊतांचा हल्लाबोल
