Satyashil Sherkar: शरद पवारांची भेट आणि राजकीय चर्चेला उधाण...पाहा काय म्हणाले सत्यशिल शेरकर

पुणे : Satyashil Sherkar : राज्याच्या राजकारणात गेल्या काही दिवसांपासून कोणता राजकीय नेता हा कोणत्या पक्षात जाईल हे कोणीच सांगू शकत नाही. राष्ट्रवादी काँग्रेस मधून अजित पवार (Ajit pawar) यांनी बंड केल्यावर यांच्या सोबत गेलेल्या आमदारांच्या मतदार संघात आता विविध पक्षीय पदाधिकारी तयारीला लागले आहेत.अश्यातच पुणे जिल्ह्यातील जुन्नर विधानसभा मतदार संघासाठी (Junnar Assembly Constituency) आता काँग्रेस नेते सत्यशील शेलकर यांचं नाव पुढे येत आहे.
 

सत्यशील शेलकर निवडणुकीच्या तयारीत : काही दिवसांपासुन जुन्नर येथे एका कार्यक्रमासाठी राष्ट्रवादी काँग्रेसचे नेते शरद पवार (Sharad Pawar) हे आले असताना, त्यांनी शेरकर कुटुंबीयांची भेट घेतली यावेळी वेगळ्याच चर्चा सुरू झाल्या होत्या. आताचे आमदार अतुल बेनके हे राष्ट्रवादी काँग्रेसचे असून राष्ट्रवादी फुटीनंतर देखील ते तटस्थ असल्याने सत्यशील शेलकर हे तयारीला लागले आहे. मागच्या देखील निवडणुकीत मी तयारी केली होती.पण तेव्हा आघाडी झाल्याने जुन्नरची जागा राष्ट्रवादीकडे देण्यात आली होती. पण आता मी तयारी केली असून मी देखील काँग्रेसकडून इच्छूक आहे. तसेच राष्ट्रवादी काँग्रेसमधून इच्छुक असल्याची जी चर्चा सुरू आहे त्याला काही महत्त्व नसल्याचं यावेळी शेरकर यांनी सांगितलं.