Helicopter Emergency Landing : उत्तराखंडमध्ये लष्कराच्या हेलिकॉप्टरचे इमर्जन्सी लँडिंग; पहा व्हिडिओ

काशीपुर - ऊधमसिंह नगर जिल्ह्यातील कुंडेश्वरी चौकी परिसरातील ढाकिया क्रमांक दोन गावात लष्कराच्या हेलिकॉप्टरचे इमर्जन्सी लँडिंग करण्यात आले आहे. येथील एका शेताच्या मध्यभागी हेलिकॉप्टर उतरवण्यात आले आहे. तांत्रिक बिघाड झाल्यामुळे हेलिकॉप्टर शेताच्या मधोमध उतरवण्यात आले. हेलिकॉप्टरमधील सर्व प्रवासी सुरक्षित असल्याची माहिती मिळत आहे. अचानक हेलिकॉप्टर उतरल्याने पाहण्यासाठी ग्रामस्थांनी एकच गर्दी केली. यादरम्यान दुसरे हेलिकॉप्टर तिथेच घिरट्या घालत राहिले. त्यानंतर दोन्ही हेलिकॉप्टरनी बरेलीच्या दिशेने उड्डाण केल्याचे सांगण्यात येत ( Helicopter Emergency Landing ) आहे.