Gudi Padwa : येणारे नववर्ष मानव प्रजातीसाठी अत्यंत लाभदायक - महंत अनिकेत देशपांडे

नाशिक - साडेतीन मुहूर्तापैकी एक मुहूर्तावर म्हणजे चैत्र पाडवा, ब्रम्ह पुराणानुसार याच दिवशी ब्रम्ह देवाने सृष्टी रचनेस आरंभ केला असे म्हटले जाते. सत्य युगाची सुरुवात याच दिवसापासून झाली होती. 2 एप्रिल 2022 ला चैत्र पाडवा साजरा होणार असून, हिंदू नववर्षाची सुरुवात होत आहे. या वर्षचा राजा शनी देव असून मंत्री गुरू आहेत. तसेच या वर्षाच्या सुरुवातीला सर्वार्ध सिद्ध योग् आणि अमृत सिद्ध योग तयार होत असून, ज्योतिषशास्त्रनुसार येणारे वर्ष समस्त मानव प्रजातीसाठी अत्यंत शुभदायक मानले जात आहे. गुडी उभारताना कलश पूजन करून ओम ब्रह्मत ध्वजाय नमः या मंत्राचा जप करून दान धर्म करून नववर्षाची सुरुवात करावी, असे महंत अनिकेत शास्त्री देशपांडे महाराज यांनी सांगितले.