मालवणी दुर्घटनेत 11 जणांनी गमावले आपले प्राण

मुंबई - मालाड इथल्या मालवणी परिसरात रात्री 11 वाजून 10 मिनिटांनी इमारत कोसळल्याची दुर्घटना घडली. या दुर्घटनेत अकरा जणांचा मृत्यू झाला आहे. मृतांमध्ये 7 बालकांचा समावेश आहे. घटनेची माहिती मिळताच तात्काळ अग्निशामन दलाचे पथक घटनास्थळी दाखल झाले आणि बचावकार्याला सुरुवात केली. ज्या ठिकाणी ही घटना घडली ते बांधकाम अनधिकृत होते, असे बोलले जात आहे. तळमजला पकडून वर तीन मजले चढवण्यात आले होते. कालपासूनच मुंबई मध्ये जोरदार पाऊस पडत असल्यामुळे इमारत कोसळली असल्याचे बोलले जात आहे. या दुर्घटनेत अकरा निष्पाप नागरिकांचा मृत्यू झाला आहे.