Woman killed in leopard attack: चिंचली खैरे येथे महिलेवर हल्ला केलेला बिबट्या ट्रॅप कॅमेरात कैद

नाशिक: सात दिवसापूर्वी बिबट्याच्या हल्ल्यात इगतपुरी तालुक्‍यातील महिला ठार ( Woman killed in leopard attack ) झाली होती. आता या महिलेवर हल्ला करणारा बिबट्या वनविभागाने लावलेल्या ट्रॅप कॅमेरात कैद ( Captured on leopard trap camera ) झाला आहे. सात दिवसापूर्वी चिंचली खैरे येथील शकुंतला अमृता रेरे ही महिला बिबट्याच्या हल्ल्यात ठार झाली होती. शेतात असलेल्या एका झापावर ही महिला राहत होती. या महिलेवर बिबट्याने हल्ला करुन त्या महिलेला जंगलात फरफटत नेले होते. या घटनेत महिलेचा मृत्यू झाला होता. त्यानंतर या भागात बिबट्याच्या हालचालीवर लक्ष ठेवण्यासाठी वनविभागाकडून ट्रॅप कॅमेरे लावण्यात आले आहे. काल रात्री पुन्हा याच झापावर सावजाच्या शोधात असलेला बिबट्या ट्रॅप कॅमेरात कैद झाला आहे. त्यामुळे या बिबट्याने महिलेला ठार केल्याची शक्यता वनविभागाकडून वर्तवली जात आहे.