Soap Vs Body Wash : साबण की बॉडीवॉश, तुम्हीही गोंधळात आहात, जाणून घ्या काय वापरावे...

साबण त्वचेवर साचलेली घाण साफ करण्याचे काम करते आणि बॉडी वॉशमुळे शरीरावर साचलेली अशुद्धताही साफ होते. साबण आणि बॉडी वॉश या दोन्हीमध्ये काय चांगले आहे ते जाणून घ्या.

हैदराबाद : आजकाल अनेकजण साबणकी बॉडीवॉश यापैकी काय वापरायचे यात गोंधळून जातात. दोंन्ही पैकी कोणते उत्पादन आपल्या त्वचेसाठी फायदेशीर याचा विचार प्रत्येकजण करतात. काही लोक जास्त प्रमाणात साबण वापरतात. तर बॉडीवॉशला साबणाचा पर्याय मानतात. साबण आणि बॉडी वॉश यात काय चांगले आहे याबद्दल तुमचा गोंधळ दूर करून घ्या.

सर्वात लोकप्रिय साबण : आजही लोक साबणच वापरतात. ते फक्त अंघोळ करताना किंवा हात धुताना साबण वापरतात. साबण वापरण्यामागचे एक कारण म्हणजे त्याचा सुगंध तीव्र असतो, ज्यामुळे तुम्हाला दीर्घकाळ ताजेतवाने वाटू शकते. पण अनेक वेळा साबणाच्या अतिवापरामुळे त्वचा कोरडी होते. आंघोळीच्या साबणात सोडियम लॉरील सल्फेट नावाचे रसायन असते, ज्यामुळे आपली त्वचा कोरडी होऊ शकते. साबणाच्या अतिवापरामुळे त्वचेतील नैसर्गिक तेल निघून जाते. याशिवाय साबण कमी स्वच्छ मानला जातो कारण तो उघडा राहतो, जो अनेक जीवाणूंच्या संपर्कात येऊ शकतो.

• लोक बॉडी वॉशचा अवलंब करत आहेत : साबणासोबतच लोक बॉडी वॉशचाही वापर करत आहेत. साबणापेक्षा बॉडीवॉश त्वचेसाठी अधिक फायदेशीर ठरू शकतो. बॉडीवॉशमध्ये साबणापेक्षा चांगली पीएच लेव्हल असते. याशिवाय यात साबणापेक्षा जास्त मॉइश्चरायझिंग गुणधर्म देखील आहेत.

• बॉडी वॉश कधी वापरावे : आंघोळीनंतर तुमची त्वचा कोरडी असेल तर तुम्ही साबणाऐवजी बॉडी वॉशचा वापर सुरू करा. ते त्वचेला आर्द्रता देते. दुसरीकडे जर तुम्हाला सोरायसिस किंवा मुरुमांसारख्या त्वचेच्या समस्येचा सामना करावा लागत असेल तर तुम्ही सौम्य बॉडीवॉश देखील वापरू शकता.

• पीएच लेव्हल : पीएच लेव्हलच्या बाबतीत साबणांपेक्षा बॉडी वॉश चांगले आहेत. वास्तविक साबणाची पीएच लेव्हल जास्त असते, त्यामुळे त्याच्या वापरामुळे त्वचा कोरडी होऊ शकते, तर बॉडी वॉशची पीएच लेव्हल कमी असते. म्हणूनच त्याच्या वापरामुळे तुलनेने कमी कोरडेपणा येतो. परंतु या आपण काही विशेष साबण निवडू शकता, ज्यामध्ये ग्लिसरीन किंवा मलई इत्यादी पदार्थांचा समावेश गेल्या आहेत. आजकाल अनेक मॉइश्चरायझिंग साबण उपलब्ध आहेत.

• त्वचा ताजी ठेवण्याचा योग्य मार्ग कोणता ? त्वचा मऊ आणि चमकदार ठेवण्याचा सर्वोत्तम आणि योग्य मार्ग म्हणजे भरपूर पाणी पिणे आणि त्वचा साबणाने किंवा बॉडीवॉशने धुतल्यानंतर लगेच मॉइश्चरायझर लावणे. याशिवाय झिंक आणि व्हिटॅमिन ई असलेल्या आरोग्यदायी आणि पौष्टिक अन्न खा. यामुळे त्वचा निरोगी राहते.

हेही वाचा :