राखीचा सण हा बहीण-भावातील प्रेम आणि आणि सुरक्षेच्या आश्वासनाचा सन आहे. या दिवशी भाऊ आपल्या बहिणीला तिच्या सुरक्षेचे आश्वासन देतो, तसेच बहीण देखील आपल्या भावासाठी चांगल्यात चांगली सुंदर राखी निवडते. रक्षाबंधनाच्या निमित्ताने नेहमीप्रमाणे यावेळी देखील बाजार विविध प्रकारच्या राखींनी सजले आहे. मात्र कोरोना संसर्गाच्या भीतीमुळे बाजारात लोकांकडून होणाऱ्या खरेदीमध्ये काही प्रमाणात घट झाली आहे. मात्र विविध ऑनलाइन शॉपिंग पोर्टलवर यावेळी राखी खरेदीचा ट्रेंड वाढला आहे.
यंदा बहिणी फक्त बाजारातूनच नव्हे तर, ऑनलाइन शॉपिंग साईटवरून देखील राखी खरेदी करत आहेत. यंदा बहिणींना 'इव्हल आई' आणि 'रुद्राक्ष' राखी जास्त आवडत आहे. आता या पसंतीला कोरोनाची पार्श्वभूमी आहे की भावाच्या भरपूर आयुष्यासाठी बहिणीकडून केलेली प्रार्थना किंवा प्रयत्न, मात्र मोठ्या प्रमाणात बहिणी 'इव्हल आई' किंवा 'रुद्राक्ष राखी' आपल्या भावाला कोणत्याही दुष्ट नजरेपासून किंवा आजारापासून सुरक्षित ठेवेल आणि आपल्या गुणांनी आपल्या भावाचे आरोग्य निरोगी ठेवेल या आशेने या राखींकडे आकर्षित होत आहेत.
काय आहे इव्हल आई?
फेंगशुईनुसार इव्हल आई सौभाग्य आणि सुरक्षेचे प्रतिक मानले जाते, जे नकारात्मक आणि वाईट उर्जेला दूर ठवते. सामान्यत: ती अल्ट्रा मरीन ब्ल्यू ग्लास बीड्सने बनलेली असते, ज्यात एका डोळ्यासारखे डिजाईन असते ज्यांच्या आजूबाजूला अश्रूच्या थेंबाच्या आकारात रेषा असतात. लोकं घरी सकारात्मक वातावरण बनवण्यासाठी वेगवेगळ्या आकाराच्या 'इव्हल आई' ला घरी टांगतात. तसेच अनेक लोकं यापासून बनवलेल पेडेंट, ब्रेसलेट, ब्रोच आणि अंगठी देखील घालतात. यंदा बाजारात इव्हल आई राखींना खूप जास्त मागणी आहे.
रुद्राक्षाचे फायदे
असे म्हटले जाते की, रुद्राक्ष परिधान केलेल्या व्यक्तिभोवती रुद्राक्ष उर्जेचा एक सुरक्षा कवच तयार करतो. याव्यतिरिक्त असे मानले जाते की, रुद्राक्ष हा नकारात्मक शक्तींना दूर ठेवतो, डोळ्यांच्या दोषांपासून सरंक्षण करतो, विचार आणि जीवनात सकारात्मकता आणतो आणि आरोग्य चांगले राखण्यास मदत करतो. वर्तमान काळात जेव्हा लोकं कोविड 19 ची चिंता आणि आजारांनी घेरलेले आहेत, अशात बहिणी मोठ्या संख्येने आपल्या भावाच्या हातासाठी रुद्राक्ष राखी आणि रुद्राक्ष राखी ब्रेसलेटला प्राधान्य देत आहेत.
शॉपिंग साइट्सकडून डिलिव्हरीची सोय
लोकं अद्यापही कोरोना संसर्गाच्या भीतीमुळे एका शहरातून दुसऱ्या शहरात जाण्याचे टाळत आहे. अशात भावांचे हात राखीविना राहू नये यासाठी काही शॉपिंग साइट्स फक्त देशातच नव्हे तर विदेशातही विशेषत: राखीसोबत चॉकलेट्स आणि गिफ्ट्सची डिलिव्हरी करत आहेत.
कोरोनापासून सावध राहा
जरी उत्सवाचे वातावरण असले तरी कोरोना संसर्गाचा धोका अद्याप पूर्णपणे टळलेला नाही, त्यामुळे उत्वसात सावधगिरी न चुकवणे हे गरजेचे आहे. घरातून बाहेर निघताना मास्कचा उपयोग करावा, त्याचबरोबर सॅनिटायझरसह सर्व सुरक्षा मानकांचा वापर करणे देखील खूप गरजेचे आहे. सगळ्यात महत्वाचे म्हणजे, सर्दी आणि खोकल्यासह कोरोनाशी संबंधित कोणतीही लक्षणे दिसल्यास ताबडतोब चाचणी करावी आणि डॉक्टरांचा सल्ला घ्यावा.
हेही वाचा - निरोगी शरीरासाठी प्रोटीन गरजेचे; 'हे' आहेत नैसर्गिक स्रोत
