यवतमाळ - जिल्ह्यात सोमवारी एकाच दिवशी सहा कोरोना रुग्णांचा मृत्यू झाल्याने प्रशासन चांगलेच हादरले आहे. मार्च महिन्यात दररोज चार ते पाच मृत्यू होत असल्याने प्रशासनाकडून कठोर पावले उचलण्यात येत आहेत. तसेच एकाच दिवशी 367 जण नव्याने पॉझेटिव्ह आले आहेत. तसेच वसंतराव नाईक शासकीय वैद्यकीय महाविद्यालयाच्या आयसोलेशन वॉर्ड, विविध कोव्हिड केअर सेंटर आणि कोव्हिड हेल्थ सेंटरमध्ये भरती असलेल्या 243 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली आहे.
हेही वाचा - शेतकऱ्याने मुलाप्रमाणे केले बैलावर प्रेम, वाजत गाजत काढली अंत्ययात्रा
सोमवारी 4161 रिपोर्ट प्राप्त
मृत झालेल्या व्यक्तिंमध्ये यवतमाळ येथील 55 आणि 25 वर्षीय महिला, दारव्हा तालुक्यातील 65 वर्षीय पुरुष आणि 78 वर्षीय महिला, दिग्रस तालुक्यातील 55 वर्षीय पुरुष आणि मानोरा तालुक्यातील (जि. वाशिम) 70 वर्षीय महिला आहे. सोमवारी पॉझेटिव्ह आलेल्या 367 जणांमध्ये 270 पुरुष आणि 97 महिला आहेत. यात दिग्रस येथील 126, यवतमाळातील 97, पांढरकवडा 26, महागाव 25, पुसद 24, नेर 23, वणी 14, कळंब 9, उमरखेड 6, दारव्हा 5, बाभुळगाव 4, आर्णि 2, राळेगाव 2, मारेगाव 1, झरी 1 आणि इतर ठिकाणचे 2 रुग्ण आहेत.
सोमवारी एकूण 4161 रिपोर्ट प्राप्त झाले. यापैकी 367 जण नव्याने पॉझेटिव्ह आले तर 3794 जणांचे रिपोर्ट निगेटिव्ह आले आहेत.
जिल्ह्यात 2854 ॲक्टिव्ह रुग्ण
सद्यस्थितीत जिल्ह्यात 2854 ॲक्टीव्ह पॉझेटिव्ह आहे. तसेच आतापर्यंत एकूण पॉझेटिव्ह रुग्णांची संख्या 22102 झाली आहे. 24 तासात 243 जण कोरानामुक्त झाल्यामुळे जिल्ह्यात बरे झालेल्यांची एकूण संख्या 18736 आहे. तर जिल्ह्यात एकूण 512 मृत्युची नोंद आहे. सुरवातीपासून आतापर्यंत 193479 नमुने पाठविले असून यापैकी 189736 प्राप्त तर 3743 अप्राप्त आहेत. तसेच 167634 नागरिकांचे नमुने आतापर्यंत निगेटिव्ह आले आहेत.
हेही वाचा - वाझे प्रकरणात शिवसेना युवानेत्याचे नाव; कोण आहेत वरूण सरदेसाई?
