यवतमाळ : स्वस्त धान्य दुकानातून मका हे धान्य मिळाल्याने संतप्त झालेल्या ग्रामस्थांनी घाटंजी तहसील कार्यालयासमोर मका फेकून रोष व्यक्त केला. स्वस्त धान्य दुकानातून मकाऐवजी गहू हेच धान्य देण्यात यावे अशी मागणी यावेळी करण्यात आली.
मका नको गहू द्या
यवतमाळमधील घाटंजी येथे स्वस्त धान्य दुकानातून लाभार्थ्यांना मका देण्यात आली. याचा निषेध करत नागरिकांनी तहसील कार्यालयासमोरच ही मका फेकून दिली. स्वस्त धान्य दुकानातून मका देऊन गरीबांची थट्टा करण्यात आल्याचा आरोप यावेळी करण्यात आला. हे आमचे अन्न नाही. ज्वारी, गहू हे विदर्भातील जनतेचे अन्न आहे असे सामाजिक कार्यकर्ते महेश पवार यावेळी म्हणाले. यावेळी स्वस्त धान्य दुकानातून गहू दिला जावा अशी मागणी करण्यात आली.