यवतमाळ - शहरातील एका तरुणाने मोबाईलचा डिस्प्ले अधिक आकर्षकपणे सजविण्यासाठी 'वॉल एक्स' नावाचे अॅप तयार केले आहे. हे अॅप आपल्या मोबाईलमध्ये डाऊनलोड केल्यास तुम्हाला सुध्दा तुमचा मोबाईलचा स्क्रीन अधिक आकर्षक बनवता येणार आहे. ईशान भागवते असे त्या अॅप निर्मात्या तरुणाचे नाव आहे.
सुंदर, आकर्षक, देखण्या वस्तुंचे मनुष्याला नेहमीच अप्रुप वाटत आले आहे. सध्या मोबाईल वापरकर्ता स्वत:चा मोबाईल आकर्षक कसा दिसेल याची नेहमीच काळजी घेताना दिसून येतो. यासाठी बाजारपेठेतील उपलब्ध रंगबेरंगी बॅक कव्हरचा ते वापर करतात. मोबाईल वापरकर्त्यांची हीच गरज ओळखून आणि मोबाईलचा डिस्प्ले आकर्षक दिसावा म्हणून यवतमाळच्या संगणक विभागाचा विद्यार्थी ईशान भागवते या तरुणाने 'वॉल एक्स' नावाचे अॅप तयार केले.
वॉल एक्स या अॅप मध्ये ११ कॅटेगीरी असून त्यामध्ये पाचशे पेक्षाही जास्त वॉलपेपर्स अपलोड करण्यात आले आहे. लॉकस्क्रिन तसेच होमस्क्रिन असे दोन्ही प्रकारचे वॉलपेपर आपण या अॅपच्या माध्यमातून सेट करु शकणार आहोत. विशेष म्हणजे या अॅप मध्ये सातत्याने नवीन वॉलपेपर अपलोड करण्यात येणार आहे. हे अॅप ऑप्टीमाईज केलेली असल्यामुळे बॅटरीचे कन्झम्शन होत नाही. तसेच मोबाईलच्या बॅक ग्राऊंडमध्येही ते सुरु राहत नाही. हे अॅप कोणताही व्यावसाईक दृष्टीकोण नजरेसमोर न ठेवता तयार करण्यात आले आहे. त्यामुळे यामध्ये जाहीरातींचा फ्लो अत्यल्प राहणार असल्याची माहिती भागवते याने दिली.
गुगल प्ले स्टोअर वर उपलब्ध
वॉल एक्स अॅप आता गुगल-प्ले स्टोअरवर उपलब्ध झाले आहे. बी टु एक्स या डेव्हलपर आयडीने अॅप अपलोड करण्यात आली आहे. अन्ड्रॉईड ऑपरेटींग सिस्टीम असलेल्या मोबाईलमध्ये डाऊनलोड केल्या जाऊ शकणार आहे. या अॅपमध्ये कम्युनिटी पेज तयार करण्यात आले असून तेथे आपण फोटो, दुसरे वॉलपेपर अपलोड अथवा शेअर करु शकणार आहोत.
