यवतमाळ - जिल्ह्यातील जिम आजपासून (दि. 7 जून) सुरू करण्यात आले आहेत. यामुळे फिटनेस प्रेमींमध्ये आनंदाचे वातावरण आहे. कोरोनाच्या पार्श्वभूमीवर गेल्या अनेक दिवसांपासून जिम बंद होते. जिम सुरू करावे, यासाठी राज्य शासनाकडे फिटनेस प्रेमींनी अनेक वेळा मागणी केली होती. कोरोना टाळण्यासाठी शरीरातील प्रतिकार क्षमता आवश्यक असते. ही प्रतिकार क्षमता वाढविण्यासाठी जिममध्ये व्यायाम करणे महत्त्वाचे असल्याचे फीटनेस प्रेमींचे म्हणणे होते.
जिल्ह्यात दिडशेवर फिटनेस सेंटर
जिल्ह्यातील निर्बंध शिथिल करण्यात आले आहेत. राज्य शासनाने दिलेल्या आदेशाला अधीन राहून यवतमाळमध्ये जिम सुरू केले आहे. यामुळे जिममध्ये घाम गाळणाऱ्या फिटनेस प्रेमींमध्ये सध्या आंनदाचे वातावरण आहे. जिममध्ये आलेल्या व्यायामप्रेमींचे यावेळी गुलाबाचे फुल देऊन स्वागत करण्यात आले. जिल्हाभरात जवळपास लहान व मोठे दिडशेंहून अधिक जिम व फिटनेस सेंटर आहे.
हेही वाचा - यवतमाळ : अडीच हेक्टरवर 54 विविध बांबू प्रजातीची लागवड
