जिल्हा रुग्णालयातील 160 कंत्राटी कर्मचारी कामावरून कमी, दोन महिन्यांचे वेतनही रखडले; जिल्हाधिकाऱ्यांकडे मागितली दाद

कोरोना काळात जीवाची पर्वा न करता काम केलेल्या 160 कंत्राटी कर्मचाऱ्यांना दोन महिन्यांपासून वेतन दिले नाही. आतातर या कर्मचाऱ्यांना जिल्हा रुग्णालयाने कामावरून तडकाफडकी कमी करण्यात आले आहे.

यवतमाळ - कोरोना काळात कोरोना योद्ध्यांनी जीवाची पर्वा न करता अहोरात्र काम केले. मात्र जिल्हा रुग्णालयांमध्ये 160 कंत्राटी कर्मचाऱ्यांना दोन महिन्यांपासून वेतन दिले नाही. आता या कर्मचाऱ्यांना जिल्हा रुग्णालयाच्या अधिष्ठातांनी कामावरून तडकाफडकी कमी केले आहे. या अन्यायाविरोधात कर्मचाऱ्यांनी मनसेच्या नेतृत्वात जिल्हाधिकारी एम. देवेंदर सिंह यांच्याकडे दाद मागितली.

प्रतिकूल परिस्थितीत दिली सेवाजिल्हा रुग्णालयातील कोविड हॉस्पिटलमध्ये एकेकाळी 400 पेक्षा जास्त रुग्ण भरती होते. अशा परिस्थितीत रुग्णांचे मृतदेह उचलणे, त्यांची प्रत्येक कामे करणे इतकेच काय तर त्यांना वेळेवर औषध आणि जेवणही दिले. आता तडकाफडकी कामावरुन कमी केल्याने उदरनिर्वाहाचा प्रश्न निर्माण झाला आहे. कोरोनाचा संसर्ग वाढतच चालाला आहे. रुग्ण वाढण्याचीही दाट शक्यता असल्याचे सरकार सांगत आहे. अशा परिस्थितीत कामावरून कमी करणे कितपत योग्य आहे, असा प्रश्न यावेळी उपस्थित करण्यात आला.कामावर घेण्याची केली मागणी

जिल्हा रुग्णालयांमध्ये जे वैद्यकीय अधिकारी, कर्मचारी आहेत. त्यांना पूर्ण वेतन दिले जाते. मात्र, ते कुठलेही काम करत नसल्याचा आरोप यावेळी कंत्राटी कर्मचाऱ्यांनी केला आहे. आम्ही दिवस-रात्र सेवा दिली. मात्र, आम्हाला कामावरून कमी केले. त्यामुळे या कोरोनाच्या काळामध्ये आम्हाला कामावर घेण्यात यावे, अशी मागणी जिल्हाधिकाऱ्यांकडे करण्यात आली.

हेही वाचा - अखेर काळाने गाठलेच; न्याय मागण्यासाठी जाळून घेतलेल्या 'त्या' शेतकऱ्याचा उपचारादरम्यान मृत्यू