शाळेमध्ये विलगीकरणात असलेल्या 45 वर्षीय महिलेचा मृत्यू, कारण अस्पष्ट

या महिलेला मंगरूळपीर तालुक्यातील शेंदुर्जना (मोरे) येथील शाळेमध्ये विलगीकरणात ठेवण्यात आले होते.

वाशिम - मंगरूळपीर तालुक्यातील शेंदुर्जना येथे मुंबईतून 20 मे रोजी आलेल्या कमला बबन पवार (वय 45) या महिलेचा मृत्यू झाला आहे.

या महिलेला मंगरूळपीर तालुक्यातील शेंदुर्जना (मोरे) येथील शाळेमध्ये विलगीकरणात ठेवण्यात आले होते. तसेच या महिलेसोबत तिच्या काही नातलगांचेसुद्धा विगलीकरण करण्यात आले होते. ही महिला व तिचे काही नातलग मुंबईतून पायी चालत आले होते. महिलेचे स्वॅब नमुने लॅबला पाठविण्यात येणार आहेत.

या महिलेचा मृत्यू नेमका कशाने झाला, हे सध्यातरी अस्पष्ट असून यामुळे गावात भीतीचे वातावरण निर्माण झाले आहे.