काचीगुडा-इंटरसिटी एक्सप्रेसच्या धडकेत गायीचा मृत्यू, वाहतूक ठप्प

वाशिम जिल्ह्यातील जऊळका रेल्वे गेटवर काचीगुडा-इंटरसिटी एक्सप्रेसच्या धडकेत गायीचा मृत्यू झाला. यामुळे औरंगाबाद-नागपूर महामार्गावरील जऊळका येथील रेल्वे गेटवर अर्धातास वाहतूक ठप्प झाली.

वाशिम - जिल्ह्यातील जऊळका रेल्वे गेटवर काचीगुडा-इंटरसिटी एक्सप्रेसच्या धडकेत गायीचा मृत्यू झाला आहे. रेल्वे समोर अचानक गाय आल्याने हा अपघात झाला, अशी चर्चा सुरू आहे.

या अपघातामुळे औरंगाबाद-नागपूर महामार्गावरील जऊळका येथील रेल्वे गेटवर अर्धातास वाहतूक ठप्प झाली. त्यामुळे या ठिकाणी वाहनांच्या लांबच-लांब रांगा लागल्या आहेत.