दिवंगत अभिनेता इरफान खानचा जन्मदिन, विशेष दिवशी जाणून घ्या अभिनेत्याबद्दल रंजक गोष्टी...

बॉलिवूडचा सर्वोत्कृष्ट अभिनेता इरफान खानचा वाढदिवस आहे. आज आम्ही तुम्हाला त्याच्या आयुष्याबद्दल काही विशेष गोष्टी सांगणार आहोत.

मुंबई : अभिनेता इरफान खान असा अभिनेता होता, ज्यानं आपल्या अभिनयानं देशातच नाही तर परदेशातही एक ओळख निर्माण केली होती. भारतीय चित्रपटांपासून ते हॉलिवूडपर्यंतच्या चित्रपटांमध्ये त्यानं काम केलं आहे. इरफाननं न्यूरोएंडोक्राइन ट्यूमरशी 2 वर्ष लढा दिला, मात्र 29 एप्रिल 2020 रोजी त्यानं मुंबईतील कोकिलाबेन रुग्णालयात अखेरचा श्वास घेतला. इरफान आज या जगात नसला, तरी तो त्याच्या चित्रपटातून आपल्यामध्ये जिंकत आहे. तसेच त्याच्या आयुष्यातील रंजक कहाणी देखील कायम आपल्यामध्ये राहिल. इरफान खानच्या वाढदिवसानिमित्त, आम्ही तुम्हाला त्याच्याबद्दल काही रंजक गोष्टी सांगणार आहोत.

इरफान खानचा वाढदिवस : इरफान खाननं अनेक मुलाखतींमध्ये त्याच्या वैयक्तिक आयुष्याशी संबंधित काही किस्से सांगितले आहेत. यापैकी एका मुलाखतीत त्यानं त्याच्या आयुष्यातील अशा भागाबद्दल सांगितलं होतं, ज्यामुळे अनेकजण आश्चर्यचकित झाले होते. एका मीडिया मुलाखतीत इरफानला विचारण्यात आलं होतं की, त्याच्या वडिलांची इच्छा काय होती. यावर इरफान म्हटलं, "त्यांना मला कठोर शिकारीसारखे बनवायचे होते. माझे वडील शिकारी होते, ते शिकार करायचे. आम्ही देखील त्याच्याबरोबर शिकारीला जायचो. आम्हाला शिकार करायला आणि जंगल बघायला खूप आवडायचं. जेव्हा प्राणी मरायचे, तेव्हा त्याच्या मुलाचे काय होत असेल, त्याच्या आईचे काय होत असेल, अशा कहाणी आम्ही बनवत होतो. यानंतर हे सर्व माझ्या मनात घोळ चालू असायचा."

View this post on Instagram

A post shared by Babil (@babil.i.k)

इरफान खाननं शेअर केला गंमतीशीर किस्सा : यानंतर इरफान खाननं पुढं सांगितलं, "एकदा माझ्या वडिलांनी मला बंदुकीतून गोळी झाडायला लावली आणि एक प्राणी मेला. त्या प्राण्याच्या मृत्यूचा माझ्या मनावर मोठा परिणाम झाला होता. हा ब्राह्मण पठाणांच्या कुळात जन्माला आल्याचं लोक म्हणत होते." दरम्यान आणखी एका मुलाखतीत इरफानला घर सोडण्याबाबत विचारले असता त्यानं म्हटलं होतं, 'घरी बसून मला काहीच समजत नव्हते. जयपूरमध्ये माझे आयुष्य संपले होते. काहीच चांगले घडत नव्हते. मी तिथे मित्रांबरोबर कॉलेजच्या दिशेनं जात होतो, मुलींची छेड काढणे, मुलींच्या मागे जाणे आम्हाला जमत नव्हते. आम्ही फक्त मुलींबद्दल बोलत होतो. जसे दोन मुली जात असेल यातून आम्ही एक तुझी, एक माझी असं ठरवत होतो. कधी कधी तर मुलींसाठी भांडणे होत होती. आमचा निरोप त्या मुलीपर्यंत कसा पोहोचवायचा हा विचार आम्ही करत होतो आणि ही महिनाभर प्रक्रिया सुरू राहत होती." दरम्यान आजचा दिवस इरफान खानच्या कुटुंबासाठी खूप विशेष आहे.

हेही वाचा :