वर्धा - सध्या सोशल मीडियावर शिक्षकांच्या पात्रता परीक्षेचा पेपर चांगलाच चर्चिला जात आहे. सोशल मीडियावर या परीक्षेच्या पेपरमध्ये झालेल्या शुध्दलेखनाच्या चुका दाखवण्यात आल्या आहेत. पण खरंच या पेपरमध्ये एवढ्या चुका आहेत काय? या व्हयरल फोटो मागचे नक्की वास्तव काय आहे, हे जाणून घेण्याचा प्रयत्न ईटीव्ही भारतने केला आहे.
हेही वाचा - वर्धेत गवळाऊ गायींचे प्रदर्शन; 'या' प्रजातीचे जतन करण्याचा दिला संदेश
राज्यातील प्राथमिक आणि माध्यमिक शिक्षकांकरिता शिक्षक पात्रता परीक्षा पार पडली. राज्यात 1044 केंद्रावर 2 लाख 43 हजार विद्यार्थ्यांनी ही परीक्षा दिली. या परिक्षेदरम्यान दोन सत्रात पेपर घेण्यात आले. यानंतर मात्र सोशल मीडियावर एक पेपर व्हायरल झाल्याने एकच खळबळ उडाली. पेपरवर शुद्धलेखनासह 104 पेक्षा जास्त चुका असल्याचा फोटो सोशल मीडियावर व्हायरल झाला. पण प्रत्यक्षात झालेल्या पेपरवर एवढ्या चुका नव्हत्या.
हेही वाचा - खरांगणा पशूप्रदर्शन : लाखोंची बक्षीसे मिळवणाऱ्या 'या' गाईने पटकावला प्रथम क्रमांक
सोशल मीडियावर व्हायरल झालेला या पेपरमध्ये प्रत्येक पानावर 30 ते 35 शब्दांवर गोल करत चुका दाखवण्यात आल्या आहेत. हा पेपर दुपारच्या सत्रातील असल्याचे सुद्धा दिसून येत आहे. एका पेपरमध्ये एवढ्या चुका नक्की चक्रावून टाकणाऱ्या ठरतील. आम्ही जाणुन घेतलेल्या माहितीत पेपरमध्ये चुका होत्या. त्यामुळे महाराष्ट्र राज्य परीक्षा परिषदेन चुकांचा पाढा यंदाही अविरतपणे वाचलाच. पण व्हायरल फोटोतील पेपर पेक्षा या 8 ते 10 प्रश्नांमध्ये असल्याचे पुढे आले.
महाराष्ट्र राज्य परीक्षा परिषद या चुकीच्या प्रश्नांची दखल घेणार की नाही, असा सवाल आता विद्यार्थी करत आहेत.
