वर्धा - येथे मागील काही काळात ऑनलाईन पद्धतीचा अवलंब करत फसवणुकीचे प्रकार वाढले आहेत. वर्ध्याच्या हिंगणघाट येथील दोन तरुणांची विदेशात नोकरीचे आमिष दाखवत फसवणूक करण्यात आली होती. यात साडेतीन लाख रुपये भरल्यानंतर अधिक पैशांची मागणी झाल्याने फसवणूक झाल्याचे उघकीस आले. दोन्ही युवकांनी हिंगणघाट पोलिसात जाऊन तक्रार दिली. त्यानंतर हिंगणघाट पोलिसांनी दोन्ही नायजेरियन महिला आणि पुरुषाला पालघर जिल्ह्यातून अटक करत जेरबंद केले. सौरभ काळे आणि त्याचा मित्र असे फसवणूक झालेल्या युवकाचे नाव आहे.
विदेशातील नोकरीचे आमिषदाखवत दोन वर्धातील तरुणांची फसवणूक
या प्रकरणात पोलिसांनी गुन्हा दाखल करत चौकशी सुरू केली. हिंगणघाट पोलीस ठाण्याचे पीएसआय परमेश्वर आगासे यांना चौकशीत हे फोन कॉल मुंबईतून येत असल्याचे समजले. यात सायबर सेलचच्या मदतीने बँके खाते कोणाचा नावाने आहे पाहिले असता अन्नामारी एरीकोयानाथन या महिलेचे नाव पुढे आले. त्यानंतर त्या महिलेला पालघर जिल्ह्यातील वसईयेथून अटक करत विचारपूस करण्यात आली. यावेळी अडम टीमीटायो जॉन्सनचे नाव पुढे आले. हाच तो फोनवरून बोलून संभाषण करत असल्याचे ससमजले. दोघांनाही हिंगणघाट पोलिसांनी अटक केले. पोलिसांनी अडमकडून तब्बल एक लाख 35 हजाराचा मुद्देमाल जप्त केला आहे. तसेच त्याच्याकडील सिमकार्ड, चेकबुक, डोंगल, राऊटर, मोबाईल, लॅपटॉप प्रिंटर,पासपोर्टच्या प्रति जप्त करण्यात आल्या आहेत.ऑनलाई व्यवहार करताना विश्वास ठेवणे जरा जिकरीचे झाले आहे. त्यामुळे ऑनलाईच्या जाळ्यात अमिषाला बळी पडू नये. कुठल्याही बाबतीत खात्रीशीर आणि अधिकृत पद्धतीचा अवलंब करून त्यानंतरच पैशांचा व्यवहार करावे असे आवाहन पोलीस विभागाच्या वतीने करण्यात येत आले आहे.
