वर्धेत दोन दिवसांच्या पूर्णतः बंद नंतर बाजारपेठ खुली; आर्वीमधील महत्त्वाच्या बाबी वगळता इतर बंद

दोन दिवस संपूर्ण जिल्ह्यात मेडिकल आणि दवाखाना सोडून सगळी दुकाने बंद ठेवण्यात आली होती. बुधवारी लॉकडाऊनला अधीन राहून पुन्हा कामकाज सुरू करण्यात आले. मात्र, आर्वी पुन्हा गुरुवारपर्यंत बंद ठेवण्यात आली आहे.

वर्धा - दोन दिवस संपूर्ण जिल्ह्यात मेडिकल आणि दवाखाना सोडून सगळी दुकाने बंद ठेवण्यात आली होती. बुधवारी लॉकडाऊनला अधीन राहून पुन्हा कामकाज सुरू करण्यात आले. मात्र, आर्वी पुन्हा गुरुवारपर्यंत बंद ठेवण्यात आली आहे. पुन्हा कामकाज सुरू झाल्याने वर्धा शहरामध्ये गर्दी उसळल्याचे चित्र पहायला मिळाले. त्यामुळे प्रशासनाकडून सोशल डिस्टन्सिंगचे नियम पाळण्याचे आवाहन करण्यात आले आहे.

दोन दिवस जिथे बंदमुळे शहरात शुकशुकाट होता. तिथे आज मात्र शहरात मोठ्या प्रमाणात गर्दी असल्याचे चित्र पहावयास मिळाले. यावेळी शहरातील आजच्या दिवसानुसार किराणा वगळता इतर मार्केट खुले होते. यामुळे नागरिकांची गर्दी पाहायला मिळाली. यात पेट्रोलपंप बँक आदी ठिकाणी मोठ्या प्रमाणात गर्दी पाहायला मिळाली. तसेच आर्वी तालुक्यात ग्रामीण भागातून येणाऱ्या दुग्ध व्यवसायिकांना फटका बसू नये यासाठी त्यांना गुरुवारपर्यंत दूध वाटप करता येणार आहे.