वर्धा - शहरात आज सायंकाळी भारतीय हिंदू सेनेच्या वतीने मंदिराचे दार खुले करण्यासाठी हवनपूजा आंदोलन करण्यात आले. रामनगरच्या तुळजाभवानी मंदिरात पंच कुंडी यज्ञ करण्यात आला. मुख्यमंत्री यांनी मधूशाला खुली केली, आता मंदिर खुले करण्यात यावी यासाठीच नवरात्रीच्या पर्वावर हे आंदोलन करण्यात आले.
भारतीय हिंदू सेनेचे मंदिर खुले करण्यासाठी हवनपूजा सर्वत्र खुले होत असताना अजूनही मंदिरांना खुले करण्याची परवानगी देण्यात आलेली नाही. यासाठी वर्ध्याच्या तुळजा भवानी माता मंदिरात आज भारतीय हिंदू सेनेनं आगळे वेगळे आंदोलन केले. नवरात्रीच्या पर्वावर मंदिर खुले करण्यासाठी दरवाजे बंद मंदिरात पाच जोडप्यांच्या उपास्थितीत हे आंदोलन करण्यात आले. यात अग्निकुंडात अहुत्या देऊन सरकारला जागे व्हा आणि मंदिरे खुले करा. मधूशाला खुली झाली मंदिर का नाही, असा सवाल या निमित्याने हिंदू सेनेचे जिल्हाध्यक्ष गिरीश अग्निहोत्री यांनी या निमित्ताने केला. नवरात्रीच्या पर्वावर होणारे हवन होतातच. यानिमित्ताने हवन पूजा करून सरकारने लक्ष द्यावे आणि मंदिरांना खुले न करता हिंदुत्वाच्या भावना दुखवत असल्याचा आरोपही करण्यात आला आहे. यावेळी हिंदू सेनेचे पदाधिकारी श्याम पतकी, ऍड अनंत साळवे यांच्या नेतृत्वात, अविनाश देव, निलेश पोहेकर, विकी जयस्वाल, गोपाळ वझरकर आदी पदाधिकारी उपास्थित होते.
