गॅस सिलेंडरच्या स्फोटात घरातील साहित्य जळून खाक

गॅस सिलेंडरचा स्फोट झाल्याची घटना घडली. या स्फोटामध्ये घरातील साहीत्य जळून खाक झाले असून, सगळा संसार उघड्यावर पडला आहे.

वर्धा - जिल्ह्यातील आंजी येथे गॅस सिलेंडरचा स्फोट झाल्याची घटना घडली. हा स्फोट अंगणवाडी मदनीस असणाऱ्या कलावती रेवतकर यांच्या घरी झाला. या स्फोटामध्ये घरातील साहीत्य जळून खाक झाले असून, सगळा संसार उघड्यावर पडला आहे.

सिलेंडरचा स्फोट होताच नागरिक त्या दिशेने गेले. स्फोटानंतर आगीने उग्र रुप धारण केले. या आगीचा शेजारच्या घरालाही फटका बसला. लोकांनी आजू-बाजूने पाण्याचा मारा करत आग विझवण्याचा प्रयत्न केला. यामध्ये कलावती रेवतकर यांचे घरातील संपूर्ण साहित्य जळून खाक झाले. या घटनेने कलावती यांचा संसार उघड्यावर आला आहे. पोलिसांनी या घटनेचा पंचनामा केला आहे.