वर्धा - तळेगाव पोलीस स्टेशनअंतर्गत चार वर्षीय बालकाचा वाहनाच्या धकडेत मृत्यू झाला. सध्या रस्ता रुंदीकरणाचे काम सुरू आहे. यात सुरक्षा फलक न लावल्याने कार चुकीच्या मार्गाने गेली. या भरधाव कारच्या धडकेत बालकाचा मृत्यू झाला. यामुळे गुरुवारी दुपारी हा मृतदेह तळेगाव पोलीस स्टेशनला आणण्यात आला. यात कंस्ट्रक्शन कंपनीवर सुद्धा गुन्हा दाखल करण्याची मागणी मृत बालकाच्या कुटुंबीयांनी केली. संकेत चौधरी, असे चार वर्षीय मृत बालकाचे नाव आहे.
वर्ध्यात चिमुकल्याचा अपघात, कारवाईच्या मागणीसाठी मृतदेह पोलीस स्टेशनच्या आवारात आष्टी ते तळेगाव मार्गालगतच्या जुन्या वस्तीत संकेत हा आई सोबत राहतो. घरापुढील मार्गावरवर रस्ता रुंदीकरणाचे काम सुरू आहे. यात संकेत हा रस्त्याच्या पलीकडल्या भागातून घराकडे येत होता. यात भरधाव कारने त्याला जोरदार धडक दिली. या धडकेत तो फेकल्या गेल्याने नालीवर पडून गंभीर जखमी झाला. घटनेनंतर कार चालक हा पसार झाला. जखमी संकेतला आर्वीच्या खासगी रुग्णालयात नेण्यात आले. यावेळी त्याचा मृत्यू झाल्याचे डॉक्टरांनी घोषित केले. तळेगाव पोलिसांनी घटनेची माहिती मिळताच पांडुरंग इंगळे या कार चालकास ताब्यात घेतले.गुरुवारी शवविच्छेदनानंतर हा मृतदेह तळेगाव पोलीस स्टेशन येथे आणण्यात आला. यावेळी कुटुंबीयांनी लोकवस्तीपुढे जाणार मार्ग असताना सुरक्षेच्या दृष्टीने उपाययोजना न केल्याने हा अपघात घडला. यामुळे कंस्ट्रक्शन कंपनीच्या हलगर्जीपणामुळे या अपघातास कारणीभूत ठरला. यामुळे चार वर्षीय संकेतने जीव गमावला. यावेळी काही वेळ पोलीस स्टेशनला तणावाचे वातावरण निर्माण झाले होते.
