ठाणे: उल्हासनगर कॅम्प नंबर ४ मधील भाजपचे पदाधिकारी निलेश बोबडे हे कुटूंबासह राहतात. त्यातच मध्यप्रदेश राज्यातील इंदोर पोलिसांनी १० फेब्रुवारी रोजी आरोपी इस्माईल अब्दुल अब्बासी नावाच्या व्यक्तीला पिस्तूलासह इंदोर शहरातून अटक केली होती. त्यानंतर इंदोर पोलीस पथकाने आरोपी इस्माईलकडे अधिक चौकशी केली असता, तो एका चिकन विक्रीच्या दुकानात काम करीत असल्याचे समोर आले. त्यानंतर आरोपी इस्माईलकडे पिस्तूल कुठून आले याची पोलिसांनी चौकशी केली असता त्याने हे पिस्तूल भाजप पदाधिकारी निलेश बोबडे यांच्याकडून विकत घेतल्याचे सांगितले.
अन् पोलीस धडकले ठाण्यात: त्यानंतर ह्या घटनेचा तपास करण्यासाठी रविवारी १२ फेब्रुवारी रोजी इंदोर पोलिसांचे एक पथक उल्हासनगरमध्ये दाखल झाले. त्यांनी स्थानिक पोलिसांच्या मदतीने नीलेश बोबडे यांना विठ्ठलवाडी पोलिस ठाण्यात बोलवून त्यांच्याकडे चौकशी केली. यानंतर कल्याण पूर्वेतील भाजप आमदार गणपत गायकवाड आणि उल्हासनगरचे भाजप आमदार कुमार अयलानी या दोन्ही आमदारांनी विठ्ठलवाडी पोलीस ठाण्यात आपल्या समर्थकांसह धाव घेतली.
बोबडे म्हणतात, मला फसविण्याचा प्रयत्न: याविषयी भाजप पदाधिकारी निलेश बोबडे ह्यांना विचारले असता, हा एक राजनीतिक कट असून मला फसवले जात असल्याचे त्यांनी सांगितले. विशेष म्हणजे, आरोपी इस्माईलने निलेश बोबडे यांच्या मोबाईल नंबरवर संपर्क केल्याचे पोलीस तपासात आढळून आले. मात्र दोघात कुठलेही संभाषण झाले नसल्याचे तपासात निष्पन्न झाले. निलेश बोबडे यांच्यावर झालेल्या हल्ल्याशी याचा काही संबध आहे का? असे विचारले असता, त्यांनी अधिक बोलणे टाळले. पिस्तूल विषयी आपण पोलिसांना तपासात मदत करणार असल्याचे त्यांनी पुन्हा सांगितले.
पिस्तुल विक्रीसाठी आलेल्यांना अटक: पुणे जिल्ह्यातील शिक्रापूर तालुक्यातील तळेगाव ढमढेरे येथील न्हावरा रस्त्यालगत एका ढाब्यासमोर दोन युवक गावठी पिस्तूल विक्रीसाठी येणार असल्याची माहिती 9 मे, 2021 रोजी शिक्रापूर पोलीस ठाण्याचे प्रभारी पोलिस निरीक्षक हेमंत शेडगे यांना गुप्तहेर कडून मिळाली होती. या दोघांना गावठी पिस्तूल व तीन जिवंत काडतुसांसह जेरबंद करण्यात शिक्रापूर पोलिसांना यश आले होते.
अंगझडतीत पिस्तुल जप्त: पोलिसांनी गुप्त माहितीच्या आधारे शिक्रापूर पोलीस ठाण्याचे सहाय्यक पोलीस निरीक्षक विक्रम साळुंखे, पोलीस उपनिरीक्षक राजेश माळी, अमोल खटावकर, नाईक योगेश नागरगोजे, लक्ष्मण शिरसकर व त्यांच्या टिमने तळेगाव ढमढेरे न्हावरा रस्त्यालगत असलेल्या न्यू अर्जुन ढाब्यासमोर सापळा लावला होता. त्यावेळी दोन संशयित युवक दुचाकीहून त्याठिकाणी आल्याचे पोलिसांना दिसले. परंतु पोलिसांची चाहूल लागताच दोन्ही युवक पळून जाऊ लागले. पोलिसांच्या पथकाने पाठलाग करत त्या दोन्ही युवकांना पकडले असता त्यांची अंगझडती घेतल्यानंतर त्यांच्याकडे एक गावठी पिस्तूल व तीन जीवंत काडतुसे मिळून आली.
हेही वाचा : Rashmi Shukla : फोन टॅपिंगचा वाद गाजला! वाचा, आयपीएस अधिकारी रश्मी शुक्ला यांची कारकीर्द
