ठाणे - झपाट्याने वाढणाऱ्या विविध आजारांचा विळखा लक्षात घेता गोरगरिबांना मोफत उपचार मिळावेत. यासाठी शहापूर येथे शंभर खाटांचे मोफत कर्करोग रूग्णालय आणि शंभर खाटांचे जनरल रुग्णालयाचीही उभारणी करण्यात येत आहे. लवकरचे याचे भूमीपूजन लवकरच शरद पवार यांच्या हस्ते करण्यात येणार आहे, अशी माहिती जिजाऊ शैक्षणिक व सामाजिक संस्थेचे अध्यक्ष निलेश सांबरे यांनी पत्रकार परिषदेत दिली.
शेतकरी आणि शेतमजुरांच्या मुलांना उत्तम दर्जाचे शिक्षण मोफत मिळावे यासाठी केजी ते पीजी, असे अभ्यासक्रम घेऊन एका विद्यासंकुलाची उभारणी करण्यात येणार असल्याचे सांबरे यांनी सांगितले. तसेच, तालुक्यातील 10 शेतकऱ्यांना दत्तक घेऊन त्यांना बारमाही शेतीबाबात संस्थेकडून माहिती देण्यात येणार आहे. तसेच त्यांना आंबा, काजू, शेवग्याची रोपे मोफत देण्यात येणार असल्याचेही सांबरे यांनी सांगितले.
हेही वाचा -'सरकारमध्ये सर्व काही आलबेल' कोणतेही मतभेद नसल्याचा एकनाथ शिंदेंचा निर्वाळा
