ठाणे : भिवंडीमध्ये आज पहाटे एक तीनमजली इमारत कोसळली. यामध्ये दहा जणांचा मृत्यू झाल्याची माहिती मिळाली आहे. घटनेची माहिती मिळाल्यानंतर, पालकमंत्री एकनाथ शिंदे यांनी घटनास्थळी भेट देऊन बचावकार्याचा आढावा घेतला.
भिवंडी इमारत दुर्घटना : मृतांच्या नातेवाईकांना पाच लाखांची मदत; पालकमंत्र्यांची घोषणा
यावेळी बोलताना शिंदेंनी आपत्तीग्रस्तांना सर्व प्रकारची मदत तातडीने उपलब्ध करुन देण्यात यावी अशी सूचना महापालिका, जिल्हाधिकारी आणि पोलीस प्रशासनाला दिल्या. यासोबतच, दुर्घटनेमध्ये मृत्यू झालेल्यांच्या कुटुंबीयांना प्रत्येकी ५ लाख रुपयांची मदत केली जाईल असे त्यांनी जाहीर केले.
