ठाणे: मुख्यमंत्री एकनाथ शिंदे (Eknath Shinde) यांचा बालेकिल्ला समजला जाणाऱ्या ठाण्यावर आता भाजपने लक्ष केंद्रित केले असून आज प्रदेशाध्यक्ष चंद्रशेखर बावनकुळे (Chandrashekhar Bawankule) यांनी बाईक रॅली काढत शक्तिप्रदर्शन केले. (Chandrashekhar Bawankule bike rally). बावनकुळे हे आज दिवसभर ठाण्यात थांबून आगामी महापालिका निवडणुकांच्या पार्श्वभूमीवर बैठका घेऊन पदाधिकारी आणि कार्यकर्त्यांना मार्गदर्शन करतील. (Chandrashekhar Bawankule thane daura).
बावनकुळे यांचे बाईक चालवत रॅलीचे नेतृत्व: मुंबई नंतर ठाणे ह्या सर्वात मोठे बजेट असलेल्या महापालिकेवर गेली अनेक वर्षे शिवसेनेचा भगवा झेंडा अविरतपणे फडकत होता. शिवसेनेच्या या बालेकिल्ल्याना खिंडार पाडण्याचे काम आता भाजपने हाती घेतले आहे. भाजपच्या मिशन महापालिकेला सुरुवात झाली आहे. ठाणे महानगरपालिकेच्या आगामी निवडणुका लक्षात घेता भाजप प्रदेशाध्यक्ष चंद्रशेखर बावनकुळे यांनी ठाणे शहराला भेट देऊन कार्यकर्ते आणि पदाधिकाऱ्यांना मार्गदर्शन केले. आगामी निवडणुकांच्या पार्श्वभूमीवर बावनकुळे यांचा आजचा दौरा अत्यंत महत्त्वपूर्ण मानला जात आहे. त्यांच्या दौऱ्याची सुरुवात बाईक रॅलीने झाल झाली ज्यात स्वतः चंद्रशेखर बावनकुळे यांनी बाईक चालवत रॅलीचे नेतृत्व केले.
फटाक्यांमुळे लागली आग: या दौऱ्या दरम्यान बावनकुळे यांच्या स्वागतासाठी उत्साही भाजप कार्यकर्त्यांनी फटाक्यांची मोठी आतषबाजी केली होती व त्यातील एक फटाका बावनकुळे यांच्या अंगावर उडाल्याने तो विजवण्यासाठी कार्यकर्त्यांनी पदाधिकाऱ्यांची एकच तांरांबळ उडाली. शाळेतील भाजप कार्यालयातील पोस्टर उद्घाटनाच्या वेळी घडलेल्या प्रसंगामुळे काही काळ देते गोंधळाचे वातावरण निर्माण झाले होते. राज्याचे मुख्यमंत्री एकनाथ शिंदे यांच्या बालेकिल्ल्यात म्हणजे ठाण्यात भारतीय जनता पक्षाने अशा प्रकारे शक्ती प्रदर्शन केल्याने सर्वांच्या भुवया उंचावल्या गेल्या आहेत.
बाईक रॅली मध्ये विना हेल्मेट सहभागी: ठाण्यात आज भाजपने काढलेल्या बाईक रॅली मध्ये बावनकुळे यांणी हेल्मेट घातलेले दिसले मात्र त्यांच्या सोबत सहभाही झालेल्या इतर लोकांनी हेल्मेट न घालता शक्तिप्रदर्शन केले यात अनेक नेते देखील विना हेल्मेट दुचाकी चालवताना दिसले .
