ठाणे - उल्हासनगरमधील सेंचुरियान शाळेजवळ असलेल्या एका झाडावर वीज कोसळल्याने एक जण गंभीर झाल्याची घटना घडली आहे. गजेंद्र गोदरा असे जखमी झालेल्या तरुणाचे नाव आहे.
उल्हासनगरात वीज कोसळून १ गंभीर जखमी
गुरुवारी सायंकाळपासून पावसाने जिल्ह्यात दमदार हजेरी लावली होती. दरम्यान, उल्हासनगरमध्ये शुक्रवारी सायंकाळच्या सुमाराला पावसापासून बचाव करण्यासाठी गजेंद्र हा झाडाखाली उभा होता. त्याच सुमाराला अचानक झाडावर वीज कोसळल्याने त्यामध्ये तो गंभीर जखमी झाला. जखमी अवस्थेत गोदरा यांना तत्काळ उल्हासनगरचा सेंचुरी हॉस्पिटलमध्ये उपचारासाठी दाखल करण्यात आले आहे. तर वीज झाडावर पडल्याने झाडाचे मोठ्या प्रमाणात नुकसान झाले आहे.
