पंढरपूर - पांडुरंगाची आषाढी वारी काही दिवसांवर येऊन ठेपली आहे. मात्र कोरोना पार्श्‍वभूमीवर आषाढी एकादशी सोहळा प्रतिबंधात्मक स्वरूपाचा होणार आहे. विठ्ठल-रूक्मिणी मंदिर परिसरातील प्रदक्षिणा मार्गावरील रस्त्यावरील खड्ड्यांची अक्षरशः चाळण झाल्याचे दिसून येत आहे. त्यामुळे गेल्या दोन वर्षांपासून वारी न झाल्यामुळे पंढरपूर शहरातील प्रदक्षिणा मार्गावर खड्ड्यांचे स्वरूप प्राप्त झाले आहे. यामुळे स्थानिक नागरिकांसह भाविकांनीही तीव्र नाराजी व्यक्त केली आहे.
विठ्ठल मंदिर परिसरातील प्रदक्षिणा मार्गासह मुख्य रस्ते खड्ड्यांच्या विळख्यात
कोरोनाच्या पहिल्या व दुसऱ्या लाटेमुळे वैष्णवांचे अखंड दैवत असणाऱ्या पांडुरंगाची आषाढी यात्रा होऊ शकत नाही. त्यामुळे पांडुरंगाच्या आषाढी वारीच्या आधी पंढरपूर शहरातील प्रदक्षिणा मार्ग, विठ्ठल मंदिर परिसर, स्टेशन रोड या रस्त्यांवरील खड्डे बुजवण्याचे काम नगर परिषद प्रशासनाकडून केली जाते. मात्र गेल्या दीड वर्षापासून कोणत्याही प्रकारची पांडुरंगाची वारी होऊ शकली नाही. त्यामुळे शहरातील मुख्य रस्त्यांची चाळण झाल्याचे चित्र दिसून येत आहे.
नगर परिषदेकडून खड्डे बुजवण्याच्या कामाला देणार गती
राज्य शासनाकडून आषाढी एकादशी सोहळ्यासाठी पाच कोटी रुपयांचा धनादेश दिला जात असतो. मात्र दोन आषाढी वारी होऊ न शकल्यामुळे प्रशासनाकडूनही पंढरपूर शहरातील खड्डे बुजवले नाही. त्यामुळे पंढरपूरकर व वारकऱ्यांकडून रस्त्याची चाळण झालेली पाहून नाराजगी व्यक्त होत आहे. त्यात प्रशासनाकडून खड्डे बुजवण्यात संदर्भात निवेदन पत्रिका मागवण्यात आल्याचे उत्तर मुख्याधिकारी अनिकेत मनोरकार यांच्याकडून देण्यात आल्या.
हेही वाचा - सातारा - जावळीत अल्पवयीन मुलीवर दोन वर्गमित्रांचा बलात्कार
