सोलापूर - सीना माढा उपसा जलसिंचन योजनेतील पाण्याचे 'टेल टू हेड' या पद्धतीने वाटप करण्यात यावे, या मागणीसाठी मोडनिंब येथे रास्ता रोको आंदोलन करण्यात आले. जिल्हा परिषदेचे माजी सभापती शिवाजी कांबळे यांच्या नेतृत्वात परिसरातील शेतकऱ्यांनी शनिवारी रास्ता रोको आंदोलन केले.
हेही वाचा - गड, किल्ल्यांच्या मुद्यावरून प्रहारचा सोलापुरात मोर्चा
माढा तालुक्यातील पाण्याची टंचाई असलेल्या टंचाईग्रस्त गावांना सीना माढा या योजनेतून पाणी मिळावे, या मागणीसाठी अरण आणि मोजणी या गावाच्या परिसरातील शेतकऱ्यांनी एकत्र येत रास्ता रोको आंदोलन केले. माढा तालुक्यातील तुळशी, बावी. परितेवाडी यासह दहा ते बारा गावांमध्ये कायमस्वरूपी दुष्काळाचा सामना करावा लागतो. असे असताना देखील सीना माढा उपसा सिंचन योजनेतील पाणी मागील अनेक वर्षात या गावांना मिळालेले नाही. या गावांना तत्काळ पाणी देण्यात यावे, या मागणीसाठी हे रास्ता रोको आंदोलन करण्यात आले होते.
जलसंपदा विभागाच्या अधिकाऱ्यांनी पाणी सोडण्याचे लेखी आश्वासन दिल्यानंतर रास्ता रोको आंदोलन मागे घेण्यात आले.
