सोलापूर- राष्ट्रवादी काँग्रेसचे माजी खासदार धनंजय महाडिक हे भाजपमध्ये प्रवेश करणार असल्याचे निश्चित झाले आहे. स्वकियांनी लोकसभा निवडणुकीत दगा दिल्यामुळे भाजपमध्ये प्रवेश करत असल्याचे धनंजय महाडिक यांनी सांगितले.
प्रतिक्रिया देताना धनंजय महाडिक
सोलापूर येथील महाजनादेश यात्रेच्या शेवटच्या दिवशी केंद्रीय गृहमंत्री अमित शहा आणि मुख्यमंत्री देवेंद्र फडणवीस यांच्या उपस्थितीत भाजपमध्ये प्रवेश करण्यासाठी महाडिक हे कुटूंबीयांसमवेत सोलापुरात दाखल झाले आहेत. महाडिक हे ताराराणी आघाडीचे 19 नगरसेवक, जिल्हा परिषदेचे काही सदस्य आणि हजारो कार्यकर्त्यांसह सोलापूरमध्ये दाखल झाले आहेत. त्यांच्यासमवेत मातोश्री मंगलाताई महाडिक, दोन्ही मुलेही सोलापुरात आले आहेत.
