स्मरणशक्ती आणि रोगप्रतिकारशक्ती वाढवण्यासाठी फायदेशीर आहे काळे जिरे

काळे जिरे अनेक औषधी गुणधर्मांनी समृद्ध आहेत. याच्या नियमित सेवनानं आरोग्याच्या अनेक समस्यांपासून मुक्ती मिळण्यास मदत होते. जाणून घ्या काळ्या जिऱ्याचे आरोग्यदायी फायदे.

How To Use Black Cumin For Health: जेवणाची चव वाढवण्यासाठी जिऱ्याची फोडणी दिली जाते. यामुळे पदार्थाची रंगत वाढते. जिऱ्याशियाव फोडणी अपूर्ण आहे. परंतु तुम्हाला बाजारात उपलब्ध असणाऱ्या काळ्या जिऱ्याचे आरोग्यदायी फायदे माहिती आहेत काय? काळ्या जिऱ्यामध्ये अनेक आरोग्यवर्धक गुण दळलेली आहेत. काळं जीरं लोह, सोडियम, कॅल्शियम, पोटॅशियम आणि फायबर सारख्या पोषक घटकांचा भांडार आहे. नॅशनल इन्स्टिट्यूट ऑफ हेल्थने केलेल्या अभ्यासानुसार काळ्या जिऱ्यामुळे हृदयाचं आरोग्य सुधारते तसंच रोगप्रतिकार आणि स्मरणशक्ती वाढवण्यासाठी काळं जीरं फायदेशीर आहे.

• हृदयाचं आरोग्य सुधारते: काळ्या जिऱ्यामध्ये पॉली आणि मोनोअनसॅच्युरेटेड फॅटी ॲसिड असतात. हे कोलेस्ट्रॉल नियंत्रित ठेवण्यास मदत करतात. हृदयविकाराचा धोका कमी करण्यासाठी आणि हृदयाच्या आरोग्याचे रक्षण करण्यासाठी हे फायदेशीर आहे. त्यामुळे तुम्ही तुमच्या आहारात काळ्या जिऱ्याचा नियमित समावेश करू शकता.
• मधुमेह: मधुमेहावर नियंत्रण ठेवण्यासाठी काळे जिरे हा एक चांगला उपाय आहे. हे रक्तातील साखरेचं प्रमाण नियंत्रित ठेवण्यास मदत करते. दोन ग्रॅम काळे जिरे सकाळी रिकाम्या पोटी घ्या. यात असलेल्या शक्तिशाली अँटिऑक्सिडंट्समुळे टाइप 2 मधुमेह टाळण्यास मदत होते.
• पचन: काळे जिरे हा पचनसंस्थेच्या समस्यांवर एक उत्तम उपाय आहे. आम्लपित्त, पोट फुगणे आणि अल्सरसाठी हे एक उत्कृष्ट उपाय आहे. पाच मिली हळदीचं तेल मधात मिसळून सेवन केल्यास पचनाच्या समस्यांपासून आराम मिळतो.
• मुळव्याध आणि बद्धकोष्ठता: मुळव्याध आणि बद्धकोष्ठतेवरही काळे जिरे हा उत्तम उपाय आहे. त्यासाठी एका ग्लास काळ्या चहामध्ये २.५ मिली काळे जिरे तेल टाकून सकाळी रिकाम्या पोटी आणि रात्री झोपण्यापूर्वी प्या.
• चयापचय सुधारते: काळ्या जिऱ्याच्या सेवनामुळे चयापचय सुधारते. तसंच लठ्ठपणा कमी करण्यास मदत होते. कोमट पाण्यात काळ्या जिऱ्याची पावडर आणि मध टाकून सकाळी रिकाम्या पोटी प्यायल्यास चयापचय सुधारण्यास फायदा होतो.
• रोगप्रतिकार शक्ती वाढते: काळ्या जिऱ्यामध्ये अँटिऑक्सिडंट्स भरपूर प्रमाणात असतात. हे रोगप्रतिकारशक्ती वाढवण्यास आणि विविध रोगांपासून संरक्षण करण्यास मदत करतात. त्यासाठी प्रत्येकी अर्धा चमचा काळ्या जिऱ्यामध्ये मध एकत्र करून रिकाम्या पोटी घ्या.
• स्मरणशक्ती सुधारते: काळे जिरे मेंदूच्या आरोग्यासाठी चांगले आहे. स्मरणशक्ती आणि बुद्धिमत्ता वाढवण्यासाठी हे खूप फायदेशीर आहे. पार्किन्सन रोग आणि स्मृतिभ्रंश यांच्याशी लढण्यासाठी देखील काळ्या जिऱ्याचे नियमित सेवन चांगले आहे. झटके रोखण्यासाठी देखील हे फायदेशीर आहे. त्यासाठी 1 चमचा काळ्या जिऱ्याचे तेल पुदिना आणि उकळलेल्या पाण्यात मिसळून पिऊ शकता.

संदर्भ

https://pmc.ncbi.nlm.nih.gov/articles/PMC8225153/#:~:text=The%20pleiotropic%20pharmacological%20effects%20of,diverse%20health%20benefits%2C%20including%20protection

(डिस्क्लेमर: ही सामान्य माहिती केवळ वाचनासाठी दिलेली आहे. ईटीव्ही भारत या माहितीच्या वैज्ञानिक मान्यतेबाबत कोणतीही पुष्टी करत नाही. अधिक माहितीसाठी डॉक्टरांकडून सल्ला घ्यावा.)

हेही वाचा