सातारा - जिल्हा बँकेच्या निवडणुकीसाठीची ठराव प्रक्रिया बंद पाडणे. तसेच, तीन जणांना दमदाटी करून गाडीत घेऊन गेल्याप्रकरणी शिवसेनेचे नेते शेखर गोरे यांच्यावर अपहरणाचा गुन्हा दाखल करण्यात आला आहे. याप्रकरणी सुनंदा शेडगे यांनी दहिवडी पोलीस ठाण्यात तक्रार दिली होती.
हेही वाचा - सोना अलॉईज मारहाण व खंडणी प्रकरण; छ. उदयनराजेंसह ११ जणांची निर्दोष मुक्तता
माण तालुक्यातील कुळकजाई विकास सेवा सोसायटीमध्ये जिल्हा बँकेच्या निवडणुकीसाठीची ठराव प्रक्रिया सुरू असताना अचानकपणे शिवसेनेचे नेते शेखर गोरे यांनी येऊन ठराव प्रकिया बंद पडली. मी सांगेल तिथे येऊन मी सांगेल त्या प्रमाणे ठराव करायचा, अशी दमदाटी करून शेखर गोरे, सुनील जाधव, बशीर मुलानी, राजा जाधव, अमर कुलकर्णी, आप्पा बुधावले व इतर 20 ते 25 जाणंनी तिघांचे अपहरण केल्याची तक्रार दहिवडी पोलीस ठाण्यात दाखल करण्यात आली होती.
