सातारा - राज्याचे गृहमंत्री दिलीप वळसे - पाटील यांच्या खासगी सचिवाच्या गाडीतून रोकड असलेली बॅग चोरीला गेल्याची धक्कादायक घटना समोर आली आहे. साताऱ्यातील फलटण तालुक्यात घडलेल्या या घटनेमुळे खळबळ उडाली आहे. फलटण पोलिसांनी तातडीने तपासाला सुरूवात केली आहे.
हेही वाचा - अनैसर्गिक कृत्य करण्याच्या उद्देशाने बालकाची हत्या, मोबाईलवर अश्लील व्हिडिओ पाहून अल्पवयीन मुलाकडून कृत्य
गाडीची काच फोडून चोरी
गृहमंत्री दिलीप वळसे - पाटील यांचे खासगी सचिव बाबासाहेब शिंदे हे शुक्रवारी ( दि. १० ) धुळदेव ( ता. फलटण ) येथे विवाह सोहळ्यासाठी आले होते. विवाह सोहळा उरकून परत जात असताना त्यांना गाडीची काच फोडल्याचे, तसेच एक बॅग आणि रोख रक्कम चोरीस गेल्याचे निदर्शनास आले. बॅगेत काही महत्वाची कागदपत्रेही होती. बाबासाहेब शिंदे यांनी फलटण शहर पोलीस ठाणे गाठले आणि चोरीची तक्रार नोंदवली. या घटनेमुळे सातारा पोलीस दलात खळबळ उडाली आहे.
