सातारा Kunbi Caste Certificate : मराठा समाजाला आरक्षण मिळावं यासाठी मनोज जरांगे पाटील (Manoj Jarange Patil) यांनी उपोषण केल्यानंतर, राज्य सरकार जोमानं कामाला लागलय. सरकारनं कुणबी प्रमाणपत्रासाठी (Kunbi Certificate) राज्यभर मोहीम हाती घेतली. त्यामुळं सरकारी कर्मचाऱ्यांच्या सुट्ट्या रद्द आल्या होत्या. मराठा आरक्षणासाठी (Maratha Reservation) मनोज जरांगे पाटील (Manoj Jarange Patil) यांनी सुरू केलेल्या आंदोलनानंतर राज्यभरात कुणबीच्या नोंदी तपासणीला सुरुवात झाली आहे. सोमवारी सायंकाळी कराड तालुक्यातील पहिल्या कुणबी दाखल्याचं वितरण प्रांताधिकारी अतुल म्हेत्रे (Atul Mhetre) आणि तहसीलदार विजय पवार यांच्या हस्ते वितरण करण्यात आलं. यावेळी मराठा क्रांती मोर्चाचे समन्वयक उपस्थित होते.
साताऱ्यात कुणबी दाखल्यांचं वितरण सुरू : मराठा आरक्षणाच्या प्रश्नावरून राज्यभर आंदोलनांचा धडाका सुरू झाल्यानंतर सरकारने कुणबी नोंदी तपासणीचे आदेश दिले. त्यानुसार महसूल यंत्रणेच्या पातळीवर दररोज कुणबीच्या नोंदी तपासल्या जात आहेत. कुणबी दाखल्यासाठी प्रस्ताव दाखल करणाऱ्यांच्या पुराव्यांची तपासणी करून आवश्यक ती पूर्तता पूर्ण करणाऱ्यांना कुणबी दाखले वितरणास सातारा जिल्ह्यात काही दिवसांपूर्वीच सुरुवात झाली आहे.
आतापर्यंत सापडल्या ९,६९९ नोंदी : कुणबी नोंदणी तपासणीला सुरुवात झाल्यापासून ते १ डिसेंबरपर्यंत साडेतीन लाखांहून अधिक नोंदी तपासण्यात आल्या आहेत. त्यामध्ये ९ हजार ६९९ इतक्या कुणबीच्या नोंदी आढळून आल्या आहेत. नोंदी तपासणीचे काम अखंड सुरू आहे. प्रांताधिकारी आणि तहसीलदार यांनी नोंदी तपासणीमध्ये हयगय न करण्याची तंबी कर्मचाऱ्यांना दिली आहे. त्यामुळे मराठा क्रांती मोर्चा समन्वयकांनी दोन्ही अधिकाऱ्यांना धन्यवाद दिलं आहे.
मराठा बांधवांना दिसला आशेचा किरण : मराठा आरक्षणासाठी लढा देणारे मनोज जरांगे पाटील यांच्या आंदोलनामुळं जिल्ह्यातील मराठा बांधव एकवटलं आहेत. मराठा आरक्षणामुळं मराठा समाजाच्या मुलांना नोकरी तसंच शिक्षणात संधी मिळेल, अशी उपेक्षा मराठा समाजाला आहे. मराठा समाजानं कुणबी प्रमाणपत्रासाठी कागदपत्रांची जुळवाजुळव करायला सुरुवात केली आहे.
हेही वाचा -
