सांगली - दहशतवादी कारवायांशी संबंध असल्याच्या संशयावरून सांगलीच्या वाळवा येथील एकास उत्तर प्रदेशच्या 'दहशतवादी प्रतिबंधक पथका'ने ताब्यात घेतले आहे. अर्जुन खराडे असे या तरुणाचे नाव आहे. या घटनेमुळे वाळवा तालुक्यात एकच खळबळ उडाली आहे.
सांगलीच्या वाळवा येथील अर्जुन खराडे या तरुणाला उत्तर प्रदेशच्या एटीएसच्या पथकाने गुप्तपणे कारवाई करत ताब्यात घेतले आहे. अर्जुन याचे मोठे आर्थिक व्यवहार झाल्याने त्याचा दहशतवाद्यांशी संबंध असल्याचा संशय उत्तर प्रदेश एटीएस पथकाला आला. त्यावरून ३ दिवसांपूर्वी 'दहशतवादी प्रतिबंधक पथकाने' वाळव्यात येवून अर्जुनला अटक केली. सध्या अर्जुन हा लखनऊ पोलिसांच्या कोठडीत असल्याची माहिती समोर आली आहे.
हेही वाचा - प्रधानमंत्री पीक विमा नव्हे, कार्पोरेट कल्याण योजना - राजू शेट्टी
अर्जुन हा सर्वसामान्य शेतकरी कुटुंबातील आहे, मात्र त्याचे राहणीमान राजेशाही पद्धतीचे होते. त्याचे महागडे कपडे घालणे आणि चारचाकीमधून फिरणे हे विषय गावात चांगलेच रंगले होते. यातच त्याला दहशतवादी कारवायाच्या संशयावरून ताब्यात घेतल्याने परिसरात एकच खळबळ उडाली आहे.
हेही वाचा - सांगलीत विभागीय आयुक्तांनी केली नुकसानग्रस्त फळबागांसह पिकांची पाहणी
