सांगली - राज्याचे जलसंपदामंत्री व राष्ट्रवादी प्रदेशाध्यक्ष जयंत पाटील यांचे सुपुत्र प्रतीक पाटील यांना कोरोनाची लागण झाली आहे. प्रतीक पाटील यांनी स्वत: सोशल मीडियावर पोस्ट करत याबाबतची माहिती दिली आहे. दरम्यान काही दिवसांपूर्वी जयंत पाटील यांनाही कोरोनाची लागण झाली होती.
कोरोनाची लागण झाल्यानंतर प्रतीक पाटील यांनी सोशल मीडियावर पोस्ट लिहली आहे. माझी प्रकृती उत्तम आहे. डॉक्टरांच्या सल्ल्यानुसार मी विलगीकरणात आहे. सर्वांनी कोरोनाच्या पार्श्वभूमीवर काळजी घ्यावी, मास्क आणि सॅनिटायझर याचा नियमित वापर करावा, असे आवाहन प्रतीक पाटील यांनी सोशल मीडिया पोस्टच्या माध्यमातून केलं आहे.
दरम्यान, जयंत पाटील यांना 18 फेब्रुवारी रोजी कोरोनाची लागण झाल्याचे निष्पन्न झाले. त्यानंतर ते मुंबईमध्ये आपल्या घरात उपचार घेत असून सध्या ते विलगीकरणात आहेत. आता त्यांच्यानंतर त्यांचे सुपुत्र प्रतीक पाटील यांना सुद्धा कोरोनाची लागण झाल्याचे समोर आले आहे.
हेही वाचा - ऐतिहसिक वारसा असणाऱ्या मिरजेतील 'त्या' घड्याळाची टिकटिक पुन्हा सुरू
हेही वाचा - 'सरकारची अवस्था ही आंधळं दळतंय अन् कुत्रं पीठ खातंय अशी झाली आहे'
