सांगली - शहरातील कृष्णा नदीची पाणी पातळी सध्या 54.6 फुटांवर पोहोचली असून सध्या ती स्थिरावली आहे. मात्र, सध्यस्थितीत सांगली शहर हे जलमय झाले आहे. जवळपास साठ टक्के शहर कृष्णेच्या पुराच्या विळख्यात सापडले आहे. तर ताकारी आणि भिलवडी याठिकाणी कृष्णा नदीची पाणी पातळी ओसरायला सुरुवात झाली आहे. सांगली शहरात आलेल्या पुराने 2005 मध्ये आलेल्या महापुराची पुनरावृत्ती झाल्याचे दृश्य सध्याच्या परिस्थितीत पाहायला मिळत आहे.
अर्ध्याहून अधिक शहर जलमय-सध्या सांगली शहरातला शहरी भाग पूर्ण पाण्याखाली गेला आहे स्टेशन चौकापासून,शिवाजी स्टेडियम,मीरा हाउसिंग सोसायटी, संपूर्ण वखार भाग, एसटी स्टँड परिसर,सांगली शहरातला विस्तारित भाग असणारा शामराव नगर यासह सांगली-कोल्हापूर रोड संपूर्ण पाण्याखाली गेला आहे. या ठिकाणी असणाऱ्या नागरिकांना प्रशासन, सामाजिक संघटना, लोकप्रतिनिधी यांच्याकडून नागरिकांना बोट असेल व इतर माध्यमातून बाहेर काढण्याचे काम युद्धपातळीवर सुरू आहे. मात्र, कृष्णेच्या पातळी वाढ झाल्याने परिस्थिती भीषण झालेली आहे.
सांगलीत कृष्णा नदीची पातळी स्थिर सांगली शहरातील जवळपास एक हजाराहून अधिक घरांमध्ये पाणी शिरले आहे. तर लाखो लोकांचं स्थलांतर या ठिकाणी झाले आहे. स्थलांतरित करण्यात आलेल्या नागरिकांच्यासाठी पालिका प्रशासनाच्या वतीने शहरातल्या महापालिकांच्या शाळांमध्ये आणि इतर खासगी ठिकाणी तात्पुरते निवारा केंद्र सुरू करण्यात आलेले आहेत.
2005 च्या महापुराची पुनरावृत्ती..सध्याची सांगलीची परिस्थिती ही त 2005 ची पुनरावृत्ती आहे, 2005 मध्ये सांगली शहरातला महापूर आला होता. त्यावेळीही सांगली शहर जलमय झाले होते. 2005 मध्ये 55 फूट इतकी पाण्याची पातळी होती. सध्याही इतकीची पाणी पातळी सांगली मध्ये कृष्णा नदीची आहे, मात्र तुलनेने अधिक प्रमाणात पाणी शहराच्या इतर भागात शिरल्याचे यावेळी पाहायला मिळत आहे.
सांगलीत स्थिर तर ताकारी,भिलवडीत घट..तर दुसऱ्या बाजूला कृष्णा नदी आणि वारणा नदी पाणलोट क्षेत्रातील पावसाचा जोर ओसरला आहे.त्याबरोबर चांदोली आणि कोयना धरणातून पाण्याचा विसर्ग कमी करण्यात आलेला आहे.तर पावसाने उघडीप दिल्याने आता पाण्याची पातळी ताकारी व भिलवडी याठिकाणी उतरू लागलेली आहे.तकारी या ठिकाणी जवळपास 8 फुटाने उतरली आहे.तर भिलवडी याठिकाणी 2 फुटांने उतरली असून संथ गतीने पाण्याची पातळी,या ठिकाणी ओसरत आहे.तसेच सांगली शहरातील कृष्णा नदीची पाणीपातळी आता स्थिर झालेली आहे.आणि दुपारनंतर हे पाण्याची पातळी हळूहळू ओसरू लागेल,असा अंदाज प्रशासनाकडून वर्तवण्यात आलेली आहे.
