सांगली - एका प्रेमीयुगुलाने आत्महत्या केल्याचा धक्कादायक प्रकार समोर आला आहे. कुपवाड येथे एका पत्र्याच्या शेडमध्ये विषारी औषध प्राशन करून एकाच साडीला दोघांनी गळफास घेत आत्महत्या केली ( Couple Suicide In Sangli ) आहे. या घटनेमुळे एकच खळबळ उडाली असून, कुपवाड एमआयडीसी पोलीस ठाण्यामध्ये ( Kupwad MIDC Police Station ) आत्महत्येची नोंद करण्यात आली आहे.
कुपवाडमधील जुना बुधगाव रोडवरील करनाळे मळ्यात नांद्रेकर यांच्या शेतातल्या पत्र्याच्या शेडमध्ये या प्रेमीयुगुलाने आत्महत्या केली. कीटकनाशक, विषारी औषध प्राशन करून लोखंडी अँगलला एकाच साडीला गळफास घेऊन दोघांनी आत्महत्या ( Suicide By Hanging On Sari ) केली. राजू महादेव माळी ( वय ३५, रा. जुना बुधगाव रोड, कुपवाड, मूळ गाव बब्लेश्वर, विजापुर ) आणि रीना किरण पार्लेकर ( वय ३० रा. वखार भाग, मिरज ) अशी आत्महत्या केलेल्यांची नावे आहेत.
आत्महत्येचा उलगडा नाही
घटनेची माहिती मिळताच कुपवाड एमआयडीसी पोलिसांनी घटनास्थळी धाव घेत सदर आत्महत्येच्या घटनेचा पंचनामा केला. मृतदेह शवविच्छेदनासाठी सांगलीच्या शासकीय रुग्णालयात पाठांविण्यात आला होता. मात्र ही आत्महत्या नेमकी कोणत्या कारणातून झाली, हे अद्याप स्पष्ट होऊ शकलेले नाही. याबाबत कुपवाड एमआयडीसी पोलीस अधिक तपास करत आहेत. दोन दिवसांपूर्वी तासगावच्या मणेराजुरी या ठिकाणी प्रेम प्रकरणातून दोन युवतींसह एका युवकाने आत्महत्या केल्याची घटना ताजी असताना, कुपवाडमध्ये पुन्हा एका प्रेमीयुगुलाच्या आत्महत्येमुळे एकच खळबळ उडाली आहे.
