मेष (Aries) : हा आठवडा आपल्यासाठी चांगला आहे. असं असलं तरी आपणास आपल्या आरोग्याची काळजी घ्यावी लागेल. प्रकृतीकडे दुर्लक्ष केल्यास आपणास त्रास होऊ शकतो. नुकसान होण्याची संभावना असल्याने व्यापाऱ्यांनी कोणतीही नवीन आर्थिक गुंतवणूक करू नये. ज्यांना नोकरी बदलावयाची आहे, त्यांनी ह्या आठवड्यात ती बदलू नये. ह्या आठवड्यात विद्यार्थ्यांचा आत्मविश्वास उंचावेल. आपल्या अहंकारामुळं प्रेमिकेशी आपला वाद संभवतो. विवाहितांचा सुद्धा जोडीदाराशी वाद संभवतो. ज्यांना घर किंवा जमीन घेण्याची इच्छा आहे, त्यांनी ह्या आठवड्यात आपला निर्णय लांबणीवर टाकावा.
वृषभ (Taurus) : हा आठवडा आपल्यासाठी सामान्य आहे. ह्या आठवड्यात खाण्या-पिण्यातील निष्काळजीपणामुळं पोटाशी संबंधित त्रास होण्याची संभावना असल्यानं आपणास आपल्या पोटाची विशेष काळजी घ्यावी लागेल. नोकरी करणाऱ्यांसाठी हा आठवडा अनुकूल आहे. त्यांना आपली ओळख निर्माण करण्याची संधी मिळेल. तसेच केलेल्या परिश्रमाचे फायदे सुद्धा मिळतील. व्यापार आणि कारकिर्दीत यशस्वी होण्यासाठी आपणास परिश्रम वाढवावं लागतील. ह्या आठवड्यात कोणताही मोठा आणि महत्वाचा निर्णय घेणं टाळावं. ह्या आठवड्यात आपणास पैसा प्राप्त करण्यासाठी नवीन मार्ग मिळाल्याने आपण खुश व्हाल. ज्या विद्यार्थ्यांना बाहेर जाऊन अध्ययन करण्याची इच्छा आहे त्यांच्यासाठी हा आठवडा अनुकूल आहे. आपल्या अहंकारामुळं प्रणयी जीवनात दुरावा निर्माण होऊ शकतो. वैवाहिक जीवनातील माधुर्य टिकून राहील. आपण जोडीदाराच्या सहवासाचा आनंद घेऊ शकाल. ह्या आठवड्यात आपण एखाद्या महत्वाच्या विषयावर जोडीदाराशी चर्चा करू शकाल. असं केल्यानं आपसातील गैरसमज दूर होऊन नाते अधिक दृढ होऊ शकेल.
मिथुन (Gemini) : हा आठवडा आपल्यासाठी चांगला आहे. ह्या आठवड्यात आपण एखादे नवीन वाहन खरेदी करू शकता. व्यापार आणि कारकिर्दीसाठी हा आठवडा अनुकूल आहे. नोकरी करणाऱ्यांना नव्याने प्रगतीची संधी मिळू शकते. असं असलं तरी वरिष्ठांशी मतभेद होण्याची शक्यता सुद्धा आहे, तेव्हा सावध राहावं. ह्या आठवड्यात अपेक्षित परिणाम मिळविण्यासाठी आणि यशस्वी होण्यासाठी आपणास जास्त परिश्रम करावे लागतील. ह्या आठवड्यात आपल्या एखाद्या जवळच्या मैत्रिणीकडं आपण आकर्षित होण्याची शक्यता आहे. मात्र तिचा प्रतिसाद मिळण्याची शक्यता कमीच आहे. ह्या आठवड्यात वैवाहिक जीवनातील जुनी कटुता संपुष्टात आणण्याचा प्रयत्न करावा. त्यामुळं संबंधात हळू हळू माधुर्य वाढू लागेल. ज्यांना कंबरदुखीचा त्रास आहे, त्यांनी काम करताना अधून-मधून थोडी विश्रांती घ्यावी.
कर्क (Cancer) : हा आठवडा आपल्यासाठी चांगला आहे. ह्या आठवड्यात आपण तंदुरुस्त राहणार असलात तरीही निरोगी आयुष्य जगण्यासाठी आपल्या दिनचर्येत योगासन आणि सकाळी चालावयास जाण्यास प्राधान्य द्यावं. व्यापाऱ्यांसाठी हा आठवडा अनुकूल आहे. त्यांच्या नवीन ओळखी होऊ शकतात. नोकरी करणाऱ्यांना जर नोकरी बदलावयाची असेल तर त्यासाठी आठवडा अनुकूल आहे. ह्या आठवड्यात घराचे नूतनीकरण करण्यासाठी व बाहेर फिरावयास जाण्यासाठी आपण भरपूर पैसे खर्च करू शकता. विद्यार्थ्यांसाठी आठवडा यशदायी आहे. त्यांना अपेक्षित परिणाम मिळू शकतील. आपण जर आपल्या रागावर नियंत्रण ठेवलं तर आपले प्रणयी जीवन सुखद होऊ शकेल. अन्यथा नात्यात दुरावा येऊ शकतो. वैवाहिक जीवनात एखादी जुनी गोष्ट समस्या निर्माण करू शकते. परंतु आपण सामंजस्याने हि समस्या दूर करण्यास सक्षम आहात हि एक जमेची बाजू आहे.
सिंह (Leo) : या आठवड्यात आपणास थोडं सावध राहावं लागेल. ह्या आठवड्यात आपला एखादा जुनाट विकार पुन्हा उफाळून येण्याची संभावना आहे. त्याकडं दुर्लक्ष केल्यामुळं आपलं दुखणं वाढू शकतं. नोकरी करणाऱ्या व्यक्तींना संवाद साधताना जागरूक राहावं लागेल, अन्यथा त्यांचा वरिष्ठांशी वाद होऊ शकतो. व्यापाऱ्यांसाठी आठवडा अनुकूल आहे. एखादी नवीन व मोठी ऑर्डर त्यांना मिळण्याची संभावना आहे. प्रेमीजनांना अत्यंत सावध राहावं लागेल. एखाद्या लहानशा चुकीमुळं नात्यात दुरावा येऊ शकतो. वैवाहिक जीवन सुखद होण्यासाठी मेहनत करावी लागेल. ह्या आठवड्यात कुटुंबातील कनिष्ठांशी नीट वागावं लागेल. त्यांच्याशी आपले संबंध मधुर होण्यासाठी प्रयत्न करावे लागतील.
कन्या (Virgo) : हा आठवडा आपल्यासाठी सामान्य आहे. ह्या आठवड्यात आपले जुनाट विकार पुन्हा उफाळून येण्याची संभावना आहे. अशावेळी सकाळचे फिरणे आणि योगासन करण्यावर अधिक भर द्यावा. नोकरी करणाऱ्यांसाठी हा आठवडा काहीसा त्रासदायी आहे. व्यापाऱ्यांना प्राप्तीत वाढ करण्यासाठी नवीन मार्ग मिळू शकेल. हा आठवडा विद्यार्थ्यांना तितकासा अनुकूल नाही. असं असलं तरी ते एखाद्या संशीधनात सहभागी होऊ शकतील. हा आठवडा आर्थिकदृष्ट्या सामान्य असल्यानं पैश्यांची देवाण-घेवाण करणे टाळावे. प्रेमीजनांना सावध राहावं लागेल. वैवाहिक जीवनात एखाद्या जुन्या गोष्टीमुळं कटुता वाढण्याची संभावना आहे. अशावेळी आपल्या बुद्धिचातुर्याने हि कटुता दूर करण्याचा प्रयत्न केल्यास नात्यात गोडवा निर्माण होऊ शकतो.
तूळ (Libra) : हा आठवडा आपल्यासाठी सामान्य आहे. ह्या आठवड्यात आपणास आपल्या आरोग्याच्या बाबतीत जागरूक राहावं लागेल. आपणास खोकला, सर्दी, पोटदुखी इत्यादी समस्यांना सामोरे जावे लागू शकते. व्यापाऱ्यांना त्यांच्या जुन्या व्यापारात काही समस्यांना सामोरे जावे लागू शकते. नोकरी करणाऱ्यांची पदोन्नती संभवते. विद्यार्थ्यांसाठी आठवडा काहीसा त्रासदायी आहे. ह्या आठवड्यात काही मित्रांपासून त्यांना दूर राहावं लागेल. ज्यांना घर, जमीन इत्यादींची खरेदी करण्याची इच्छा आहे त्यांच्यासाठी आठवडा प्रतिकूल आहे. ह्या आठवड्यात कर्ज मिळविण्यात सुद्धा त्रास होऊ शकतो. आपल्या अहंकारामुळं प्रणयी जीवनात दुरावा वाढू शकतो. वैवाहिक जीवनात सुद्धा अहंकार आणि शंकेमुळं संबंधात कटुता येऊ शकते. थोडक्यात आपसातील तणाव आपल्या नात्यातील गोडवा कमी करण्याची शक्यता आहे.
वृश्चिक (Scorpio) : हा आठवडा आपल्यासाठी चांगला आहे. व्यापाऱ्यांच्या नवीन ओळखी होतील. ह्या ओळखींमुळे व्यापारास चालना मिळून आपल्या प्राप्तीत वृद्धी होईल. नोकरी करणाऱ्यांसाठी सुद्धा आठ्वडा चांगला आहे. नोकरीची एखादी चांगली संधी आपणास मिळू शकते. आपण जर कोणाकडून कर्ज घेतले असेल तर ह्या आठवड्यात त्याची परतफेड करण्याचा प्रयत्न आपण करू शकता. विद्यार्थ्यांनी त्यांच्या अध्ययनात थोडे सावध राहावे. मित्रांच्या सहवासात जास्त वेळ घालवू नये. एखाद्या व्यक्तीच्या हस्तक्षेपामुळे आपल्या प्रणयी नात्यात कटुता येऊ शकते. विवाहितांनी त्यांच्या जोडीदाराचा सन्मान ठेवावा, अन्यथा एखाद्या गोष्टीमुळे वाद होऊ शकतो. ह्या आठवड्यात आपल्या आरोग्याची विशेष काळजी घ्यावी. अन्यथा ऋतू बदल आपल्या त्रासास कारणीभूत होऊ शकतो.
धनु (Sagittarius) : हा आठवडा आपणास सामान्य आहे. ह्या आठवड्यात प्रकृती चांगली राहिली तरी डोळ्यांची जळजळ व पोटातील वात ह्या सारख्या समस्या आपणास त्रस्त करू शकतात. ह्या आठवड्यात आपला व्यापार प्रगती पथावर राहील. नोकरी करणाऱ्यांना चांगल्या संधी प्राप्त होतील. ह्या आठवड्यात आपली आर्थिक स्थिती मजबूत राहील. आपणास प्राप्तीचे नवीन स्रोत मिळू शकतात. आपण जर एखाया स्पर्धेची तयारी करत असाल तर घरा पासून लांब राहून तयारी केल्यास चांगले परिणाम मिळतील. ह्या आठवड्यात काही गैरसमज होऊन प्रणयी संबंधात दुरावा निर्माण होऊ शकतो. अशावेळी आवश्यकता आहे ती म्हणजे आपण कोणत्याही परिस्थितीत आपल्या प्रेमिकेपासून लांब न राहता तिच्या पाठीशी ठामपणे उभे राहणे ह्याची. विवाहितांसाठी आठवडा उत्तम आहे. ह्या आठवड्यात आपल्या बुद्धिचातुर्याने नकारात्मक गोष्टींना सुद्धा आपण सकारात्मकतेत परिवर्तित करू शकाल.
मकर (Capricorn) : हा आठवडा आपल्यासाठी सामान्य आहे. ह्या आठवड्यात आपणास तीव्र डोकेदुखीचा त्रास होऊ शकतो. विद्यार्थ्यांना बाहेरगावी जाऊन अध्ययन करण्याची संधी मिळू शकते. व्यापाऱ्यांना ह्या आठवड्यात थोडं सावध राहावं लागेल. नोकरी करणाऱ्यांसाठी आठवडा चांगला आहे. पदोन्नती संभवते. ज्यांना नोकरी बदलावयाची आहे त्यांच्यासाठी हा आठवडा अनुकूल आहे. ह्या आठवड्यात प्रणयी जीवन सुखद होईल. आपण आपल्या प्रेमिकेसह एखाद्या ठिकाणी फिरावयास जाऊ शकता. वैवाहिक जीवन सुद्धा ठीक राहील. आपण आपल्या जोडीदारासह एखाद्या रमणीय ठिकाणी फिरावयास जाल. त्यांच्या सहवासात भरपूर वेळ घालवाल. आपण आपल्या जोडीदारास आपल्या मनातील सर्व गोष्टी सांगू शकता.
कुंभ (Aquarius) : हा आठवडा आपल्यासाठी सामान्य आहे. ह्या आठवड्यात आपली प्रकृती जरी चांगली राहणार असली तरी एखादा जुनाट आजार उफाळून येण्याची शक्यता आहे. ह्या आठवड्यात विद्यार्थ्यांचं मन अभ्यासात रमणार नाही. त्यांचे मन सतत विचलित होत राहील. प्रणयी जीवनात नकारात्मक गोष्टींचा शिरकाव होऊ शकतो. तेव्हा आपल्या प्रेमिकेचा हात घट्ट धरून ठेवावा. विवाहितांना सुद्धा ह्या आठवड्यात सावध राहावं लागेल. आपसात भांडण झाल्यानं नात्यातील प्रेम कमी होऊन आपसातील दुरावा वाढू शकतो. ह्या आठवड्यात खर्चाचे प्रमाण जास्त झाल्याने घरातील वातावरण कलुषित होऊ शकते. कारकिर्दीसाठी आठवडा अनुकूल असण्याची संभावना आहे. नोकरी करणाऱ्यांना अजून चांगले परिणाम मिळतील. व्यापारासाठी कर्ज घेण्यात यशस्वी होऊ शकाल.
मीन (Pisces) : हा आठवडा आपल्यासाठी चांगला आहे. आपण एकदम तंदुरुस्त राहाल. व्यापाऱ्यांसाठी आठवडा चांगला आहे. आपल्या व्यापारात काही नवीन सौदे होऊ शकतात. काही जुने कंत्राट सुद्धा कामी येऊ शकतात. शासकीय नोकरीत असणाऱ्यांना ह्या आठवड्यात फायदा होऊ शकतो. छोटा व्यवसाय करणाऱ्यांना सुद्धा लाभ होऊ शकतो. विद्यार्थ्यांनी अभ्यासाकडे दुर्लक्ष केल्यास त्यांचे नुकसान होऊ शकते. त्यांनी अभ्यासात मन गुंतवावे. यश नक्कीच मिळेल. शेअर्स बाजारात गुतंवणूक करणाऱ्यांसाठी आठवडा चांगला आहे. आपणास जर कर्ज घ्यावयाचे असेल तर त्यात सुद्धा आपण यशस्वी होऊ शकता. प्रणयी जीवनात काही कारणाने आपसात तणाव निर्माण होऊ शकतो, परंतु सामंजस्याने सर्व समस्यांचे निराकरण होऊ शकेल. वैवाहिक जीवन सुखद होईल.
हेही वाचा -
'वसंत पंचमी' दिनी विठ्ठल-रुक्मिणीचा शाही विवाह सोहळा; पाहा व्हिडिओ
