रत्नागिरी - शिवसेनेचे नेते अब्दुल सत्तार यांनी युतीबाबत केलेले विधान ( Abdul Sattar Statement About BJP shiv Sena Alliance ) हे त्यांचे वैयक्तिक मत आहे, अशी प्रतिक्रिया उच्च व तंत्रशिक्षण मंत्री उदय सामंत यांनी ( uday samant on abdul sattar ) दिली आहे. ते आज चिपळूणमध्ये बोलत होते.
उदय सामंत यांनी दिले स्पष्टीकरण -
यावेळी मंत्री उदय सामंत म्हणाले की, 'शिवसेनेचा प्रत्येक मंत्री हा शिवसैनिक म्हणून काम करत असतो. शिवसेना पक्षात फक्त आणि फक्त उद्धव ठाकरे यांचाच आदेश चालतो. उद्धव साहेबच पक्षाचं धोरण ठरवत असतात, युती कोणाबरोबर करायची आघाडी कोणाबरोबर करायची. मी जरी त्यांच्या आशीर्वादाने कॅबिनेट मंत्री असलो, तरी पक्षाचे धोरण ठरविण्याचे अधिकार मला नाहीत. त्यामुळे उद्धव ठाकरे जो काही निर्णय घेतील, जो काही आदेश देतील तो आम्हाला शिवसैनिक म्हणून आम्हाला मान्य करावा लागतो' अशी प्रतिक्रिया यावेळी मंत्री उदय सामंत यांनी दिली आहे.
अब्दुल सत्तार यांच्या वक्तव्याला शिवसेनेने उत्तर दिले -
शिवसेना आणि भारतीय जनता पक्ष यामधील ब्रिज नितीन गडकरी हेच बांधू शकतात. असे वक्तव्य शिवसेनेचे नेते आणि राज्यमंत्री अब्दुल सत्तार यांनी केले. त्यामुळे भारतीय जनता पक्ष आणि शिवसेना यांच्या युतीची चर्चा पुन्हा एकदा सुरु झाली होती. मात्र अब्दुल सत्तार यांनी यां आधी देखील शिवसेना-भारतीय जनता पक्षाच्या युतीबाबत वक्तव्य केली होती. या वक्तव्याला शिवसेना नेत्यांकडून उत्तर देण्यात आले असून याबाबत आघाडीमध्ये इतर पक्षांनी उत्तर देण्याची गरज नसल्याचे अजित पवार यावेळी म्हणाले.
हेही वाचा - Mahavikas Aghadi Meeting : महाविकास आघाडीतील नाराजी मिटणार? समन्वय समितीची आज बैठक
