रायगड - दिवाळीच्या सुट्ट्यांमुळे पर्यटकांनी समुद्र किनारी गर्दी केली असून, सध्या सर्व किनारे पर्यटकांनी फुलले आहेत.
दिवाळीच्या सुट्ट्यामुळे पर्यकांची मोठी गर्दी किनाऱयांवर लोटली आहे.
गणपती व नवरात्र या सणांदरम्यान पाऊस होता. तसेच दिवाळीतही पावसाचे सावट होते. यंदा चक्रीवादळामुळे पर्यटकांनी काही प्रमाणात पाठ फिरवली होती. मात्र, आता चक्रीवादळाचा धोका टळल्याने मोठ्या प्रमाणात पर्यटक दाखल झाले आहेत.
दिवाळीत शाळा तसेच कॉलेजला सुट्ट्या असल्याने मोठ्या प्रमाणात पर्यटक भेट देत असतात. जिल्ह्यातील अलिबाग, वरसोली, काशीद, मुरुड, श्रीवर्धन, हरिहरेश्वर, दिवेआगर या समुद्रकिनारी पर्यटकांनी गर्दी केल्याचे पाहायला मिळत आहे.
